ŪBT-ǧa daiyndaityn oqu ortalyǧynyŋ negızın qalaǧan Jūldyzai Mūsaeva bılım salasyndaǧy kemşılıkterdı aityp, oqu jüiesın damytu jaiyndaǧy oilarymen bölısedı.
Jaz aiy bastalsa boldy, mektep bıtıruşı tülekter joǧarǧy oqu ornyn taŋdaidy. Elımızde qalaǧan joǧarǧy oqu ornynda tegın bılım aluǧa bolady, alaida bärı de tülekterdıŋ qorqynyşty tüsıne ainalǧan ŪBT-dan alǧan balyŋa qarai şeşıledı. Osy künı ŪBT-ǧa daiyndaityn kurstardyŋ ışınde ozyǧy atanǧan JUZ40 bılım beru ortalyǧynyŋ basşysy Jūldyzai Mūsaeva bıraz jannyŋ JOO-da tegın bılım aluyna sebepşı bolyp otyr.
- Bala kezdegı armanyŋyz – jazuşy bolu. Al qazır nelıkten bala armanyŋyzdy oryndamasqa? Mysaly biznes turaly kıtap şyǧaryp, bolmasa filologiiany bıtırgennen keiın ädebi şyǧarma nege jazyp körmeske? Ondai dünie oida bar ma?
- Bala kezden jazuşy bolǧym kelgenı ras. Qazır de ol armanym jüregımnen öşken joq. Menıŋ oiymşa, kıtap jazu üşın oǧan laiyqty bolu kerek. Qazırgı jetıstıgım bıreuge küştı boluy mümkın, bıraq özım üşın älı aitarlyqtai jetıstıkke jetpedım. Alǧa qoiǧan bırşama maqsattarym oryndalǧan soŋ, kompaniiadaǧy jūmystarym jüielengennen keiın, būiyrsa, uaqytymdy kıtap jazuǧa arnaǧym keledı. Eŋ bırınşı kıtabym – qazırgı käsıbım turaly bolady dep oilaimyn. Ony 2 jyldyŋ ışınde jazuym mümkın. Özımnıŋ eŋbek jolym turaly kıtap kemınde 5 jylda jazylatyn şyǧar. Al ädebi şyǧarmalardy, būiyrsa, zeinetke şyqqanda jazatyn şyǧarmyn.
- Sızdıŋ biznesıŋız bılım salasymen bailanysty, jalpy ne üşın būndai şeşım qabyldadyŋyz?
- 3 synyptan bastap mūǧalımderım, direktor aǧaiym şyǧarma jazuǧa qabıletımdı baiqady. Ädebiettı jaqsy körgendıkten, jazuşy, redaktor bolu, gazet-jurnalda jūmys ısteu degen arman-maqsatym bar edı. Al mūnyŋ bärı bılım salasyna qatysty bolǧandyqtan, sol salada jürem dep şeştım. 11 synypta ŪBT maǧan auyr soqqy bolyp, oiymdaǧydai tapsyrmadym. Özge oquşylar özderın men siiaqty sezınbeuı üşın «auyldyq balalarǧa kömektesem» degen nietpen kurs aşuǧa bel budym. Söitıp 4 kursta oqu ortalyǧyn aşqym keledı degen naqty maqsat paida boldy. Bastapqyda onlainnyŋ masştabyna qatty sene qoimadym, bıraq karantin kezı köp närsenı özgerttı. Keiın kursymnyŋ märtebesı artqan saiyn, mektep, universitet aşu degen maqsattar paida boldy. Jalpy Qazaqstannyŋ bılım salasynda ekosistema qūryp, damytamyn degen maqsat paida boldy. Öitkenı eldı damytqymyz kelse, bırınşı bılımnen bastauymyz kerek. Al bılımnıŋ qasynda tärbie sözsız jüruı qajet.
- Kei mamandyqtarǧa tüsu üşın oquşylar şyǧarmaşylyq emtihan tapsyrady. Al sızder ondai oquşylardy tek qana tarihtan daiyndaisyzdar. Nelıkten kompaniiada şyǧarmaşylyq emtihanǧa daiyndalatyn mümkındık joq? Aldaǧy uaqytta būl mäselenı şeşu josparda bar ma?
- Būl mäselenı qarastyryp kördık. Şyǧarmaşylyq emtihanǧa daiyndyqty tolyq qamtu üşın bız offlain kurs aşuymyz kerek. Daiyndyqtyŋ kei bölıgın onlain ötuge bolady, endı bır bölıgı offlain ǧana jüzege asady. Bärı ortaq bır jüiege kelmegendıkten, äzır basty josparymyzǧa engızbedık. Öitkenı şyǧarmaşylyq tapsyratyn oquşylardyŋ köbı auyldyq aimaqtan bolǧandyqtan, olar offlainǧa qatysa almaidy. Demek offlain bolsaq, az ǧana oquşyny qamtimyz. Al bızde oqyp jatqan barlyq oquşyny bırdei qamtu üşın onlain formatta jasauymyz kerek. Būl mäselege älı de oilanamyz. Bälkım, onlain oqytuǧa keletın dünielerdı aldaǧy uaqytta daiyndaityn şyǧarmyz.
- Osy salada jürgenıŋızge biyl 6 jyl. Osy 6 jyl ışınde qandai kedergılermen jolyqtyŋyz?
- Är jyldyŋ öz qyzyǧy men qiyndyǧy qatar boldy. Myna jyl qattyraq auyr boldy dei almaimyn. Kompaniia ösken saiyn problema da öse bastady. Qiyndyqsyz, problemasyz eşqandai nätije bolmaidy.
TOP-3 qiyndyqtyŋ bırınşısı – dūrys komanda jinau. Olardy bır missiia men maqsatqa bırıktıru üşın 1 jyl uaqytym kettı. Komandanyŋ köbı jastardan qūralǧandyqtan, keide tüsınbei qalyp jatty. Endı bırde jūmystary sabaq uaqytymen qatar kelıp, ülgermei «vygoraniege» de ūşyrady. Qazır mūndai mäselenıŋ bärı şeşılıp jatyr.
Ekınşı qiyndyq – platforma jasau. IT platformasy bastapqyda özımız oilaǧandai bolmady. Aqaular şyǧyp, oquşylardan narazylyq tudy.
Üşınşı qiyndyq – finansqa qatysty azdaǧan mäsele. Qarjylai jospar qūrsaq ta, jyl soŋynda ol oryndalmai qaldy. Satu menedjerlerı ziianǧa ūşyrap, kışkene qarajat jetıspei qaldy. Būl mäselenı tanys kısıden qaryz alyp şeşken edık.
- Jaz mezgılınde instagram akkaunttaryŋyzǧa özderıŋızdıŋ özge kurstarǧa ökpe-naz retınde video jariialadyŋyzdar. Naqty «myna kurs» dep aitpasaŋyz da, sol kezde basqa kurstarǧa qandai renışıŋız boldy jäne qandai renışıŋız bar? Sol turaly tarqatyp ötseŋız.
- Negızı asa qatty renış bolǧan joq. Eşkımmen jaulasqymyz kelmeidı. Barlyq konkurentke jaqsy közqarastamyz. Degenmen keibırınıŋ tym artyq ketıp qalatyn kezderı bolady. Konkurentter bızdıŋ chattarǧa qosylyp, klientterdıŋ nömırın alyp, olarǧa habarlassa da ündemeitınbız. Bıraq habarlasyp qana qoimai, bızdı klientke jamandaǧan kezde būl mäselenı şeşu keregın tüsındık. Klientterdı ala bersın, kurstaryn ūsyna bersın, alaida bızdıŋ kursqa tıl tigızıp, qate aqparattar aityp satuy dūrys emes dep oilaimyn. Sondyqtan būl mäselenı video formatynda jariialap, nüktesın qoiaiyq dep şeşkenbız. Sol videodan keiın mūndai jaǧdai oryn alǧan joq.
- Sızde taǧy aǧylşyn kursy bar ekenın estıdım. Ol da aǧylşyn kurstary boiynşa sondai joǧary därejede me, älde «älı de ısteu kerek» deitın kem-ketık tūstary bar ma?
- Aǧylşyn kursymyzdy bölek kompaniia retınde arnaiy fokus qoiyp jūmys ıstep kele jatqanyna 1 jarym jyldai boldy. Al negızı naryqta 4 jyldan berı kele jatyr. Alǧaşqy 3 jyl dūrys fokus qoia almai, arasynda üzılıs alyp, ülgermei jürdım. Bastapqyda özımızdıŋ oquşylarǧa qosymşa bılım beru maqsatynda ǧana aşqan edım. Soŋǧy 1 jarym jylda basqa da klientterdı oqytyp bastaiyq degen nietpen bölek komanda qūryp, basşysyn taǧaiyndadyq. Basynda metodika, materialdarǧa qatysty qatelıkterımız boldy. Qazır qūdaiǧa şükır, jaqsy nätijeler şyǧyp jatyr.
- «Ministrlıktıŋ şeşımımen ŪBT-ny müldem alyp tastaidy» degen qorqynyş joq pa? Eger sondai jaǧdai bolyp qalǧan kezde, kompaniiaŋyzǧa ne bolady dep oilaisyz?
- ŪBT-ny mülde alyp tastaidy dep qoryqpaimyn. Mülde alyp tastaidy dep te oilamaimyn. Tek formaty, qūrylymy, mazmūny özgeretın şyǧar. Universitetke tüsu üşın bärıbır bır test kerek. Sol testke daiyndaimyz dep oilaimyn. Bıraq bız ŪBT-men ǧana şektelmei, aldaǧy uaqytta mektep, universitet te aşqymyz keledı. Qazır jaŋa jobalar jasap jatyrmyz. Mysaly, bızde oqyp ketken studentterdıŋ bılıktı maman retınde qalyptastuyna kömektesu üşın bır joba, al mūǧalımderdıŋ bılıktılıgın arttyru maqsatynda taǧy bır joba aşyp jatyrmyz. Sonymen qatar bızdı bıtırıp ketken tülekterdıŋ jinalyp, damityn qauymdastyǧyn qūryp jatyrmyz. Studentterge IT kurs jasau da josparymyzda bar. Jalpy studentterdıŋ bılıktı maman bolyp qalyptasuy üşın JUZ40 UNIVERSITY aiasynda bırneşe jobany jüzege asyrǧymyz keledı. Būiyrsa, keler jyly mektep aşamyz.
Aldaǧy uaqytta KTL, NİŞ-qa daiyndyq kursyn bastap, şetelge oquǧa tüsıru boiynşa da jūmys ısteitın şyǧarmyz. Bılım naryǧyna boilai enıp, ekosistema qūru arqyly Qazaqstannyŋ bılım salasyn damytqymyz keledı.
- İnstagram jelısındegı jeke akkauntyŋyzda «jeke mektep aşu» turaly josparyŋyzdyŋ baryn baiqattyŋyz. Osy turaly tarqatyp aita ketseŋız Qaşan aşylady, qalai bolady?
- Jerın, ornyn tauyp qoidyq. Būiyrsa, qaraşa aiynda naqty kelısım jüredı dep oilaimyn. Mümkın köktemnen bastap mekteptıŋ qūrylysy bastalatyn şyǧar. Keler jylǧa ülgersek, 10-11 synypqa high school aşamyz dep otyrmyz. Ülgermei jatsaq, odan keiıngı jyly bırden 7-11 synypqa aşuymyz mümkın. Būiyrsa, mekteptıŋ bırınşısı – Almatyda, ekınşısı – Astanada, üşınşısı Aqtau ne Tarazdan aşylatyn şyǧar.
- 10 jyldan keiın öz kompaniiaŋyzdy qalai elestetesız?
- 10 jyldan keiın ülken holding retınde elestetem. Bılım salasynda är türlı jobalardy bırıktırıp, ekosistema qūrǧan eŋ alpauyt jobalardyŋ bastauşysy retınde körem.
- Sūhbatyŋyzǧa rahmet!
İslam Aden
