Atyrau qalasyndaǧy «Bılım-innovasiia» liseiınıŋ 11-synyp oquşylary Haidar Atagulla men Qaiyrhan Lūqpanov äzırlegen «Aqyldy közıldırık» jobasy älemnıŋ üzdık 100 jobasy qataryna endı. Joba Jasscience-2024 baiqauynyŋ jeŋımpazy bolyp, älemdegı eŋ bedeldı baǧdarlamalardyŋ bırı 100 Rise Global Winners 2024 tızımıne engızıldı. Būl turaly Oqu-aǧartu ministrlıgınıŋ baspasöz qyzmetı jazdy, dep habarlaidy «Adyrna» tılşısı.
«Közıldırık RikaAI jasandy intellekt negızınde jūmys ısteidı. Būl — sausaqpen basu arqyly ıske qosylatyn intuitivtı baǧdarlama. Ol qoldanuşyǧa qūlaqqap arqyly dauystyq komandalar beredı jäne sol arqyly qūrylǧymen özara ärekettesuge mümkındıgı tuyndaidy. Bız material jasau üşın 3D printerdı qoldandyq, al kamera, qūlaqqaptar men mikrofondy arnaiy tapsyrys boiynşa aldyq», — deidı joba avtorlarynyŋ bırı Haidar Atagulla.
Közıldırıkter tört negızgı funksiiany atqarady. Bırınşıden, olar ChatGPT nemese Wikipedia siiaqty qoiylǧan sūraqtarǧa jauap beredı. Ekınşıden, mätındı skanerlep, dybystap oqidy. Üşınşıden, közıldırık qozǧalys kezınde kedergıler turaly eskertıp otyrady, būl köru qabıletı naşar adamdarda qūlau men jaraqattanudyŋ aldyn aluǧa kömektesedı. Törtınşıden, közıldırıkter bölmede bolyp jatqan oqiǧalar turaly aqparat berıp, sipattai alady.
Ministrlık jas ǧalymdardyŋ jetıstıkterın maqtanyş etedı jäne olardyŋ bılım men ǧylym salasyndaǧy innovasiialyq tehnologiialardy damytuǧa baǧyttalǧan talpynystaryna jan-jaqty qoldau bıldıredı.
