Qaraǧandyda asa ırı kölemde esırtkı tasymaldaǧan Saryözek äskeri garnizony Qaruly Küşterı divizionynyŋ komandirı ūstaldy. Būl turaly oblystyq polisiia departamentı aitty, dep habarlaidy «Adyrna» tılşısı.
«10 qaraşada Balqaş-Saryşaǧan avtojolynda patruldık polisiia batalony patruldeu barysynda 31 jastaǧy azamat basqaratyn Geely Coolray avtomaşinasyn toqtatty. Aialdamanyŋ sebebı jol qozǧalysy erejelerın būzu boldy. Avtokölıktı tekseru barysynda bagaj bölımınde jalpy salmaǧy şamamen 12 kg bolatyn aq tüstı ūntaqty zattyŋ 18 paketı tabyldy. Oqiǧa ornyna tergeu-jedel toby şaqyryldy, olar tyiym salynǧan zattyŋ bar ekendıgıne küdıktı rastady»,—dedı PD.
Qazırgı taŋda būl oqiǧa boiynşa qylmystyq ıs qozǧalyp, küdıktı ūstau izoliatoryna qamaldy.
Qūrlyq äskerlerınıŋ baspasöz qyzmetı esırtkı tasymaldaǧan äskeri qyzmetkerdıŋ eŋbek demalysynda bolǧanyn mälımdedı.
«Saryözek garnizony äskeri bölımderınıŋ bırınıŋ demalysta bolǧan äskeri qyzmetkerın Ūlttyq qauıpsızdık komitetınıŋ Jetısu oblysy boiynşa departamentınıŋ qyzmetkerlerı esırtkı tasymaldap jatqan jerınde ūstady. Qylmystyq ıs qozǧalyp, jedel-ızdestıru şaralary jürgızılıp jatyr. Qūrlyq äskerlerı oqiǧany obektivtı tekseru üşın qūqyq qorǧau organdaryna kömek körsetıp jatyr»,– delıngen habarlamada.
