Astanada eks-ministr Quandyq Bişımbaevty ata-ana qūqyǧynan aiyru ısı boiynşa apelliasiialyq ıs qaraldy, dep habarlaidy “Adyrna” ūlttyq portaly.
Būl talapty Bişımbaevtyŋ būrynǧy jūbaiy Nazym Qaharman qoiǧan.
Aqparatqa säikes, Quandyq Bişımbaev sotqa onlain qatysty. Onyŋ aituynşa, bırınşı sottan keiın de, ıs barysynda da aliment uaqtyly tölenıp otyrǧan. Qazırgı uaqytta Nazym Qaharman aitqan mäseleler şyndyqqa sai kelmeidı. Būl — äleumettık jelıde jarnamalau jäne sotqa qysym körsetu äreketı. "Menı balalarǧa aliment tölemeitın adam retınde körsetude,"- deidı ol.
«Balalarymnyŋ oqu aqysyn ata-anam tölep otyr, olar mūny menıŋ ötınışımmen aliment kelısımı aiasynda oryndaidy. Qajet bolsa, barlyq qūjattardy ūsynuǧa daiynmyn. Senımhatqa qatysty aitar bolsam, men qamauǧa alynǧannan keiın Qaharmannyŋ advokaty nemese özı maǧan senımhat qajet ekenın aitpady, sondai-aq tektı özgertu qūjattaryn eşqandai zaŋdy jolmen tapsyrǧan joq. Bırınşı prosesten keiın alimentke ötınış bergende, men qajettı qūjattarǧa qol qoiyp berdım.
Eger būl balalardyŋ müddesı üşın bolsa jäne olardyŋ äleumettık ömırde özın erkın sezınuıne kömektesetın bolsa, men qarsy emespın. Şetelge şyǧuǧa bailanysty senımhatqa qatysty mäsele būrmalanǧan. Maǧan jıberılgen senımhatta barlyq ata-analyq qūqyǧymdy Qaharmanǧa tapsyru kerek dep körsetılgen, al şetelge şyǧuǧa rūqsat beru ǧana jazylmaǧan», — dedı Quandyq Bişımbaev.
Sot şeşımınde balalardyŋ pıkırı men ūstanymy körınıs tappaǧan. Sot qaitys bolǧan Saltanat Nükenovanyŋ talapker balalar üşın otbasy müşesı bolǧanyn eskermedı. Balalar otbasyndaǧy jaqyn adamdy tek pasporttaǧy ştampqa qarap baǧalamaidy. Sot bolaşaq äleumettık saldary tūrǧysynan öte qauıptı ärı tek beiresmi ūstanym. Eger Saltanat Nükenova qatıgezdıkpen öltırılgende, olardyŋ neke kuälıgı bolsa, Kuandyq Bişımbaev ata-ana qūqyǧynan sözsız aiyrylatyn edı, al ondai qūjat bolmaǧandyqtan eşteŋe bolmaǧandai körınedı.
Şeşım özgerıssız qaldy. Bişımbaev älı de öz balalarynyŋ äkesı bolyp qala beredı.
«Bızde bırınşı instansiia sotynyŋ şeşımı zaŋ būzuşylyqtarmen qabyldanǧanyn däleldeitın ötınışımız bar. Bırınşıden, qūrmettı sot, Qazaqstannyŋ bükıl halqy jäne şeteldegı adamdar Bişımbaev ısı men Saltanat Nükenovanyŋ qaiǧyly qazasynyŋ barlyq egjei-tegjeiın bıledı. Bız osy mäselenıŋ moraldyq jaǧyna nazar audartqymyz keledı: osyndai adamgerşılıkke jatpaityn qylmys jasaǧan adam özın äke dep atap, balalarǧa äser etıp, ata-ana qūqyqtarynan dämete ala ma? Bızdıŋ oiymyzşa, jauap aiqyn. Mūndai adam äke jäne ata-ana märtebesıne ie bola almaidy», — dedı Nazym Qaharman.
Bırneşe kün būryn media keŋıstıkte eks-ministrdıŋ «joǧalyp ketuı» turaly şu bolǧan edı, bıraq ol tez arada «tabyldy». Qūqyq qorǧauşy Bauyrjan Musinnıŋ aituynşa, Bişımbaev Stepnogorsk qalasyndaǧy №5 mekemesınde jazasyn ötep jatyr.
