Dostar,
Saqtyq tanytudy sūrap jazǧan keşegı ündeuıme qoldau bıldırıp, pıkır jazǧandardyŋ sany öte köp boldy.
Özderıŋızge airyqşa alǧys aitamyn!
Osyndai quatty antişabuyldan keiın menıŋ qasköi qarsylastarymnyŋ eŋbegı eş bolyp, jospary būzyldy dep ümıttenemın. Eŋ bolmaǧanda, olardyŋ oiǧa alǧan ısın maǧynasyz etu üşın öz postymdy jariialap ülgerdım. Maǧan qarsy äzırlenıp jatqan şabuyldyŋ basty sebebı jaqynda ǧana telegramdaǧy arnama jariialaǧan birneşe jazbam boldy dep oilaimyn.
https://t.me/MargulanSeissembai
Maǧan jala jabuy mümkın degen qisynsyz dälelderın tabuǧa tyrysaiyn. Sonymen, myna mäselelerge qatysty menıŋ pikirlerim men naqty ūstanymdarym:
1. Reiderlık turaly.
Būl menıŋ qasköilerımnıŋ süiıktı taqyryby. Bırden aitaiyn, osy elde maǧan qarsy jasalǧan reiderlık şabuyldyŋ kesırınen eŋ köp aqşa joǧaltqan jäne biznesterınen aiyrylǧan adammyn. Men osylaişa «Semei kömırdı», «Alians banktı», «Mertvyi Kultuk» mūnai ken ornyndaǧy ülesımdı, Almaty qalasyndaǧy 18-den astam jer telımın joǧalttym. Somaǧa şaqqanda būl 6 mld. AQŞ dollarynan da köp aqşa. Sondyqtan men reiderlık şabuyldyŋ kez kelgen türıne şydap otyra almaimyn jäne onyŋ qandai da türıne bolsyn qarsymyn. Reiderlik şabuyl degenimiz ol äkımşılık resurstar men jemqor sudialardy qoldana otyryp mülıktı tartyp alu.
2. Alians bankı men memleket/halyq qarjysynyŋ jymqyryluy turaly.
Men eşqaşan memleketpen bırge biznes jasaǧan emespın. Tıptı Alians bankte de ūlttyq kompaniialardyŋ depozitterı bolǧan emes. Menı ūrlady dep aiyptap, bıraq müldem däleldei almaǧan somanyŋ mölşerı 1,1 mlrd. dollar edı. Alians banktegı meniŋ 1,35 mlrd. AQŞ dollary aqşam bolǧanyna qaramai. Sonymen qatar, qarjy jymqyrdy degen kınäsı däleldengen joq, al menıŋ Alians bankke salǧan qarajatym auditorlyq esep nätijelerı men halyqaralyq sottar arqyly däleldendı. Oǧan qosa, menıŋ äreketterım sebebınen jäbırlengen bırde-bır adam joq, al banktı tartyp alǧandardyŋ kesırınen jäbır körgenderdıŋ sany öte köp.
3. Para jäne qandai da kelısımder turaly.
Men para berıp biznes jasaityndardy biznesmen emes, öz küşımen aqşa taba almaityn mügedekter dep sanaimyn. Men biznes jasau üşın nemese qandai da bır tenderdı ūtu üşın eşqaşan eşkımge para bergen emespın.
4. Offşorlar men şetel bankterındegı esepşottar turaly.
Būryn menıŋ offşorlyq kompaniialar men şeteldık bankterde esepşottarym bolatyn. Qarajat közderı zaŋdy türde körsetılse, būl zaŋsyz bolyp eseptelmeidı. Men eşqaşan mūndai ädıspen salyq töleuden jaltarǧan emespın. Sondyqtan, esepşottar men offşorlyq kompaniialar turaly qandai da bır derekter «şyǧa qalsa», ne üşın mūndai kompaniianyŋ aşylǧanyna jäne qarajattyŋ qaidan paida bolǧanyna qatysty ärbır jaǧdaiǧa naqty jauap bere alamyn.
5. Meniŋ kapitaldarymnyŋ qainary jöninde.
Men özımnıŋ ärbır millionymnyŋ qaidan paida bolǧanyna jauap bere alamyn. Mende eşqaşan bır tiyn da eŋbeksız tabylǧan aqşa bolǧan emes.
6. Menıŋ bilıkke satylǧanym turaly.
Būl argument men üşın eŋ külkılı körınedi. Bıraq men būǧan jauap beremın, öitkenı bilıkke degen renışı bar köptegen adamdar menı sögedı ärı būl maǧan taŋba bop jabysady. Osynşama qarjy tapqannan keiın jäne onyŋ bärın tartyp alǧannan keiın menı satyp aluǧa bolady deisızder me? Men milliarder boldym, bailyqtyŋ şyŋyna şyqtym, aqşa men üşın özım qalaǧandai ömır süruge arnalǧan qūral, basqa tük te emes. Men qazır tek bır-aq närse qalaimyn. Ol – dūrys elde ar-ūjdannan attamai ömır süru. Maǧan bilık kerek emes. Maǧan tanymaldylyq ta qajet emes. Maǧan tek jaqsy ärı örkenietti elde ömır süru ǧana kerek.
7. Menıŋ saiasi ambisiiam turaly.
Joǧaryda jazǧanymdai, maǧan bilıktıŋ keregı joq. Maǧan tek jaqsy, örkeniettı Qazaqstan ǧana kerek. Ol üşın men, qoǧam qairatkerı ärı belsendı azamat retınde, maǧan qatysty närsenıŋ bärın jasaimyn, bıraq tek zaŋ aiasynda ǧana. Dümpu ne töŋkerıstı basqaru men üşın mümkın emes närse. Men büldıruşı, būzuşy adamnan görı eptı, tiımdı ärı rasionaldy jasampazbyn.
Keiıngı saldary qandai bolatynyn bılmeitındıkten, men «bolşevikterşe» töŋkerıs jasaudy qabyldamaimyn. Men üşın, qalai bolǧanda da, elımızdıŋ täuelsızdıgı bırınşı orynda!
Endı basqa da mäselelerge qatysty ūstanymdarymdy aitaiyn.
1. Men jerdı satuǧa tübegeilı qarsymyn. Jemqorlyq jailaǧan osyndai jaǧdaida, tabiǧi qazba bailyqtarymyzdyŋ bärın derlık şeteldıkterge berıp qoiǧanymyz sekıldı, jerımızden de aiyrylyp qalamyz.
2. Bızdıŋ jerımızde qytailyq käsıporyndardyŋ salynuyna qarsymyn. Jemqorlyqty joiyŋyzdar, jeke menşıktı qūrmetteŋızder, sottardyŋ täuelsızdıgın qamtamasyz etıŋızder. Qalǧanynyŋ bärın käsıpkerlerdıŋ özderı-aq tyndyrady. Bızde öte talantty jäne qarym-qabıletı küştı adamdar köp. Olarǧa tek senım artu kerek. Sonda syrttan investisiia ızdeudıŋ qajetı bolmai qalady.
3. Men şynaiy qazaq tarihyn qalpyna keltıru kerek degen oidamyn. Tarihi ädılettılık ornauy tiıs. Bolşevikter tarapynan jasalǧan barlyq ädıletsızdıkterge tiıstı baǧa berıluı kerek.
4. Men Qazaqstannyŋ köpūltty boluyn qoldaimyn. Köpūlttylyq bızdıŋ memlekettılıgımızdı nyǧaityp, bekemdei tüsedı degen oidamyn. Sonymen bırge, bızdıŋ dästürımız ben mädenietımızge özgeşe reŋk beredı. Ekonomikamyzǧa airyqşa septıgın tigızedı. Mūny men kündelıktı ömırımde de, barlyq käsıporyndarymda da körıp jürmın.
5. Men qazaq tılınıŋ jan-jaqty damuyn qoldaimyn. Būl tarihi ädıldıktıŋ ornauy üşın öte maŋyzy ärı negızgı ūlt – qazaqtardyŋ tılegı. Sondai-aq, bolaşaqta ärbır qazaq üş tıldı bıluı kerek dep sanaimyn. Sonymen qatar, bolaşaǧyn Qazaqstanmen bailanystyratyn kez kelgen özge ūlttyŋ ökılı qazaq tılın mındettı türde üirenuge tiıs.
6. Erekşe aita ketetın jait, menıŋ orys halqyna degen közqarasym öte jaqsy, bıraq Resei bilıgıne oŋ qabaq tanytpaimyn. Qazırgı orys bilıgı, ökınışke qarai, Afrikada da, Reseide de bırdei bolatyn diktaturadan basqa eşteŋe emes. Bıraq solai bolsa da, būl bızdıŋ eŋ ülken ärı tarihi körşımız bolǧandyqtan, qai kezde de dos boluymyz kerek.
7. Qytailyqtarmen qarym-qatynasymyzdy tym tereŋdete bermei, olarmen tek sauda bailanystaryn ǧana ornatuymyz kerek. Kez kelgen tereŋ qatynas olardyŋ paidasyna şeşıledı. Olar küştı, qarjysy da köp, özderı de äldeqaida köp.
Äzırge osylar. Köptegen maŋyzdy mäselelerge degen ūstanymdarymdy bırşama aşyp aityp, olardyŋ būrmalaulary men qisynsyz jala jabuyna az mümkındık qaldyrdym degen oidamyn.
Feisbuk paraqşasynan
