Bügın QR Mäjılısınıŋ deputaty, aqyn Qazybek İsa «Facebook» äleumettık jelısındegı jeke paraqşasynda «Mädenietke mädeniettı bıletın basşy kerek» degen atpen bır top qoǧam qairatkerlerınıŋ Aşyq hatyn jariialady, dep habarlaidy «Adyrna» ūlttyq portaly.
«Keşe 12 qaraşada ekı Eŋbek Erı - Asanälı Äşımov pen Dulat İsabekov bastaǧan, Halyq ärtısterı men Halyq jazuşylary qostaǧan äigılı mädeniet qairatkerlerı kino salasyndaǧy qalyptasqan auyr ahualǧa narazylyq bıldırıp, QR Prezidentı Q.Toqaevtan jaǧdaidy baqylauǧa aludy sūrap, Aşyq hat jazdy. «Mädenietke mädeniettı bıletın basşy kerek!» - dep mälımdedı öner tarlandary», - dep jazyp Qazybek İsa Aşyq hattyŋ tolyq mätının jariialady. Aşyq hat QR Prezidentı Qasym-Jomart Toqaevqa, Ükımet basşysy Oljas Bektenovke jäne Qazaqstan Parlamentınıŋ qos palatasyndaǧy deputattarǧa baǧyttalalǧan. Al oǧan qol qoiuşylar retınde Asanälı Äşımov, Dulat İsabekov, Nūrjūman Yqtymbaev, Smaǧūl Elubai, Doshan Joljaqsynov, Talǧat Temenov, Qanat Törebai körsetılgen.«Bız, Qazaqstannyŋ mädeniet jäne öner qairatkerlerı osy hat arqyly otandyq kinematografiia salasynda qalyptasqan jaǧdaiǧa qatty alaŋdauşylyq tanytyp otyrmyz. Soŋǧy jyldary kino salasynda bıtpeitın janjaldar köbeiıp kettı, atap aitqanda, kino öndırısıne jauapty oryndarda būl salaǧa qatysy joq bögde adamdar otyr, jemqorlyq jailaǧan kinoǧa bölıngen milliardtaǧan teŋge talan-tarajǧa salynyp, naǧyz kinogerlerdıŋ sözın eşkım tyŋdap jatqan joq. Būl saladaǧy degradasiiany toqtatpasa, jaǧdai qiyndaityn türı bar. Mūnyŋ bärı bükıl kino mamandardyŋ alaŋdauşylyǧyn tuǧyzdy. Mädeniet ministrlıgı qazaq kinosyndaǧy jaǧdaidy rettemek tügılı, basyn alyp qaşyp otyr. Jauapty oryndarǧa jazylǧan hattar men şaǧymdarǧa mäselenı eş zerttemesten bırsydyrǧy jauaptar ǧana berıledı. Mädeniet salasyna mädeniettı bıletın basşy kerek ekenı kün saiyn sezılude. Sol sebeptı bız, kinogerler otandyq kino salasyndaǧy qordalanǧan problemalardy şeşu joldaryn talap etıp, bilıkke qairyluǧa mäjbürmız», - degen hat ielerı.Olar Qazaqstan prezidentın Ş. Aimanov atyndaǧy «Qazaqfilm» kinostudiiasyna şaqyryp, sonymen qatar kinogerlermen tıkelei kezdesu ötkızudı sūrap otyr. Al Aşyq hatqa qol qoidy degen Qazaqstannyŋ Eŋbek Erı Asanälı Äşımovke eşqandai hatqa qol qoimadym deidı.
«Men eşqandai Aşyq hatqa qol qoiǧan joqpyn. Tek ministrdıŋ qabyldauyna jazyludy ötınıp, hat joldaǧan bolatynbyz. Al qazırgı mädeniet ministrlıgıne köŋılım tolady. Ministrlıktıŋ jūmysyna qarsylyq bılıdıretındei eş hatqa qol qoimadym», - dedı Asanälı Äşımov.Mäjılıs deputaty Qazybek İsa bügın taǧy «Facebook» jelısınde Ükımet basşysy Oljas Bektenovtıŋ atyna joldaǧan deputattyq saualyn jariialady. Onda elımızdegı mädeniet salasyndaǧy üzdıksız jalǧasyp jatqan keleŋsızdıkterge, ūlttyq kinodaǧy auyr ahualǧa eŋ aldymen mädenietten habarsyz mädeniet basşylary jauapty ekenın mälımdep, ükımet basşysynan şūǧyl şara qoldanudy talap etken. Maksim Rojin ministrdıŋ jūmysyn oŋ qaraitynyn, jüielı jūmys jasalyp jatqanyn aitty.
«Deputattyq saual kezınde men sūhbat (interviu) beru üşın syrtqa şyǧyp kettım. Deputattyq saualdy tyŋdaǧan joqpyn. Ol turaly keiın, jariialanǧan soŋ ǧana bıldım. Jalpy ministrdıŋ jūmysyna oŋ qaraimyn. Tüsındıre keteiın: Ministrdıŋ būl pozisiiaǧa alǧaşqy kelgen kezınde de, ekınşı taǧaiyndalǧan kezınde de balalarǧa arnalǧan kontenttı jalpy memlekettık tılge köşıru boiynşa jüielı jūmys bastaldy. Ministrlık balalarǧa arnalǧan beine jäne baspa kontentımen, BAQ-tarmen jüielı türde ainalysa bastady. Halyqaralyq Nickelodeon HD, TiJi balalar arnalary bızdıŋ balalarymyz üşın qazaq tılınde söilei bastady, būl jūmys bırneşe jyldan berı Aida Balaevanyŋ ūsynysy men jeke bastamasymen jüzege asyrylyp keledı. Men üşın būl ministrlık jetekşılık etetın maŋyzdy salalardyŋ bırı», - dedı Maksim Rojin.
Bır nazar audararlyǧy – atalǧan hatqa qoldap qol qoidy degen Mäjılıs deputattarynyŋ keibırı keiın tızımnen alynyp tastaldy. Äuelgı tızımde esımderı körsetılgen Daniia Espaeva men Maksim Rojin jäne taǧy basqa deputattar keiın qol qoiuşylar qatarynan tabylmady. Osy jaǧdai mädeniet ministrıne qarsy negızsız şabuyl bastaldy ma degen sūraq tuǧyzady. Deputattar men lauazymdy tūlǧalardyŋ atyn rūqsatsyz paidalanǧan Mäjılıs deputaty Qazybek İsa būl äreketı arqyly halyqty şatastyryp jatqandai körınedı. Mūndai şatastyru deputattyq mansaptaǧy tūlǧaǧa syn emes pe eken?
