Mi-8 ülgısındegı QR QK Äue qorǧanysy küşterınıŋ tıkūşaqtary 1986-2019 jyldar aralyǧynda jasalǧan. Olardyŋ ortaşa eseppen alǧandaǧy jasy – 22 jyl 9 ai. Būl turaly Qorǧanys ministrınıŋ orynbasary Şaih-Hasan Jazyqbaev Ulysmedia.kz portalyna aitty, dep habarlaidy «Adyrna» tılşısı.
«Bır tıkūşaq apatynan ekonomikaǧa qanşa şyǧyn keledı, olardyŋ naryqtyq qūny qanşaǧa baǧalanady» degen saualǧa ministrlık «äue kemesın joǧaltu kezındegı şyǧyndar onyŋ oqiǧa kezındegı qalǧan qūnyna bailanysty» dep qysqa qaiyrdy.
Şyn mänınde tık ūşaq apatynyŋ naqty şyǧynyn esepteu kürdelı zertteudı qajet etedı är ol arnaiy mamandarǧa ǧana qoljetımdı aqparattar negızınde jüzege asuy mümkın.
Dese de, aşyq derekközderdegı aqparattarǧa qarap, apattyŋ ekonomikalyq saldary million dollardan asyp ketuı mümkın dep tūjyrymdauǧa negız bar. Tıkūşaqtyŋ baǧasy onyŋ jylyna, modifikasiiasyna, jaǧdaiyna, jabdyqtaluyna jäne satyp alu şarttaryna bailanysty özgeruı mümkın.
Ädette jaŋa Mi-8 tıkūşaqtardyŋ baǧasy 5-15 million dollar aralyǧynda bolady. Bızdegı tıkūşaqtaryŋ ortaşa jasy 23 jasqa taiap qalǧanyn eskersek, onyŋ naryqtyq qūny būdan äldeqaida tömen boluy mümkın.
Tıkūşaq qymbat äskeri tehnika bolǧandyqtan, otandyq qorǧanys salasynda ony jylda jaŋalauǧa şama joq. Qorǧanys küşterı soŋǧy ret osydan 4 jyl būryn iaǧni 2020 jyly Mi-35M tıkūşaqtarymen tolyqtyrylǧan. Ministrlık olardyŋ naqty sanyn atamady.
Al “aldaǧy uaqytta Qorǧanys ministrlıgıne jaŋa tıkūşaqtar satyp alu josparda bar ma” degen saualymyzǧa “tıkūşaq parkın jaŋartu qarastyruda” degen jalpylama jauap aldyq. Tek biyl İspaniiadan bır auyr A400m ūşaǧy jetkızıledı dep kütılıp otyrǧanyn naqtylady.
Odan bölek ministrlık äue qorǧanysy salasyn küşeitu maqsatynda Reseiden, TOR-M2 jäne Buk-M2E zenittık zymyran keşenderın, Belaruste öndırgen “”Rosa-R”» RLK radiolokasiialyq keşenın, Qazaqstan men Fransiia bırlesken öndırgen GM-403 “Nūr” radiolokasiialyq stansiiasyn alǧanyn atap öttı. Alaida būl äskeri qūraldar aldy üş, arty bes jyl būryn satyp alynǧan.
