Endı mektep oquşylary «Bolaşaq» baǧdarlamasymen şetelde bılım ala alady. Būl turaly deputat Ashat Aimaǧambetov aitty, dep habarlaidy «Adyrna» tılşısı.
Ol baǧdarlama boiynşa mektepte halyqaralyq olimpiadalar men ǧylymi jobalar konkurstarynda jeŋıske jetken talapkerlerge şetelde bakalavriatta bılım aluǧa mümkındık beru ūsynylǧanyn atap öttı.
«Jetekşı şeteldık universitetter halyqaralyq olimpiadalardyŋ jeŋımpazdaryna bırden bakalavriatqa grant ūsynady, sonyŋ nätijesınde olar şetelge ketıp qalady. Osy kezeŋde bız tiıstı qoldau ūsyna almadyq, sondyqtan bız jiı mūndai daryndy jastardan aiyrylyp qaldyq. Olar tek şetelde bılım alyp qoimai, keiın sol jaqta qalyp qoiatyn edı», – dedı Aimaǧambetov.
Deputattyŋ pıkırınşe, daryndy balalarǧa memlekettık biudjet esebınen grant beru – maŋyzdy qadam.
«Endı «Bolaşaq» baǧdarlamasy eŋ daryndy oquşylar üşın bakalavriattan bastap qoljetımdı bolady. Būl – jas talanttardy qoldap, olardy elde ūstauǧa mümkındık beretın maŋyzdy jaŋaşyldyq. Olar älemnıŋ üzdık joǧary oqu oryndarynda bılım alyp, keiın elge oralyp, Qazaqstannyŋ damuyna öz ülesterın qosady. Daryndy balalardy qoldau – olardyŋ bolaşaǧyna salynǧan investisiia ǧana emes, būl Qazaqstannyŋ damuyna baǧyttalǧan strategiialyq qadam», - dep tolyqtyrdy ol.
Aita keteiık, qazır «Bolaşaq» baǧdarlamasy tek magistratura men doktoranturaǧa arnalǧan.
