UTC+5 uaqyt beldeuıne köşu – el üşın tarihi negızdelgen uaqytqa oralu. Būl turaly ükımet otyrysynda Sauda jäne integrasiia ministrı Arman Şaqqaliev aitty, dep habarlaidy “Adyrna” ūlttyq portaly.
«UTC+5 uaqyt beldeuı el halqynyŋ 76%-dan astamyn qamtityn Astana, Almaty, Petropavl, Öskemen, Şymkent, Semei jäne Pavlodar qalalaryn qosa alǧanda, 67,5-ten 82,5 gradusqa deiıngı boilyqtardy qamtidy (15,24 mln adam). Qazaqstan aumaǧynyŋ köp bölıgı ıs jüzınde besınşı saǧattyq beldeude boldy.
Būrynǧy keŋeitılgen uaqyt beldeuı UTC+6 alǧaş ret 1930-1931 jyldary jazǧy uaqytty («standartty uaqyt + bır saǧat») paidalanu arqyly engızılgen. Osylaişa, UTC+5 – elımız üşın jaŋa aimaq emes, tarihi negızdelgen uaqytqa oralu», - dedı seisenbı künı ükımet otyrysynda Sauda jäne integrasiia ministrı Arman Şaqqaliev.
Onyŋ aituynşa, bügınde älemdegı 195 eldıŋ 117-sı standartty uaqyt beldeuıne barynşa jaqyn geografiialyq uaqytty taŋdaǧan.
Ol tabiǧi uaqytty qoldauşylardyŋ halyqaralyq aliansy (IANT) ükımettıŋ Qazaqstannyŋ ortalyq jäne şyǧys aimaqtary üşın geografiialyq boilyqqa säikes keletın UTC+5 saǧattyq beldeuın belgıleu turaly şeşımıne oŋ pıkır bergenın aitty.
«Älemnıŋ köptegen elderı tabiǧi siklge barynşa jaqyn uaqyt beldeuın taŋdap qoiǧan. Sondyqtan tabiǧi kün sikldaryna säikes keletın UTC+5 uaqyt beldeuıne köşu jaŋalyq emes, tabiǧi uaqytqa oraludy bıldıredı. Uaqyt beldeulerın özgertu turaly qabyldanǧan şeşım ǧylymi negızdelgen, ekonomikalyq tūrǧydan oryndy jäne eldıŋ tiımdı qyzmet etu müddelerıne sai keledı. Ötınıştı qarau nätijesınde standartty uaqyt beldeuıne barynşa beiımdelu üşın jaǧdai jasauǧa baǧyttalǧan naqty ūsynystar berıldı», - dedı Şaqqaliev.
Premer-ministr Oljas Bektenov Sauda jäne integrasiia ministrı qazırgı uaqyt beldeuınıŋ paidasyna barlyq jan-jaqty dälelder keltırdı dep sanaidy.
«Ükımet būl şeşımdı qoldaidy. Besınşı saǧattyq beldeu geografiialyq tūrǧydan el aumaǧynyŋ köp bölıgın alyp jatyr. Sauda jäne aqparat ministrlıkterıne barynşa tüsınıktı aqparattyq-tüsındıru jūmystaryn jürgızudı tapsyramyn», - dedı Bektenov.
Esterıŋızge sala keteiık, biyl 1 nauryzǧa qaraǧan tünı Qazaqstan bıryŋǧai uaqyt beldeuıne (UTC+5) auysty. Bügınde 7 ai öttı. Sauda jäne integrasiia ministrlıgı būl mäsele boiynşa «qazaqstandyqtar olarǧa bırneşe ret jügıngendıkten» uaqytty auystyru turaly şeşım qabyldaǧanyn aitady. Sonymen qatar, qazaqstandyqtar el bilıgınıŋ Qazaqstan azamattarynyŋ kelısımınsız uaqytty özgertuın synai berude.
11 qaraşada Qazaqstandaǧy uaqyt bırtūtas uaqyt beldeuıne köşkennen keiın Reseiden elektr energiiasyn satyp alu kölemı kürt öskenın habarlandy, bıraq eldıŋ Energetika ministrlıgı qazaqstandyqtardy saǧat beldeuınıŋ özgeruı energiia tūtynuǧa äser etpeitınıne sendıruge tyrysuda.
Qaraşanyŋ 15-ı künı Öŋdeu önerkäsıbı odaǧynyŋ basqarma töraǧasy, Almaty jeldetkış zauytynyŋ bas direktory Marat Baqqūlov Qazaqstandaǧy uaqyt özgerısınıŋ keleŋsız saldary turaly şaǧymdanǧan.
