Ǧylym jäne joǧary bılım ministrı qazaqstandyqtarǧa bıryŋǧai saǧat beldeuınıŋ äserı turaly zertteu jaiynda aitty, dep habarlaidy “Adyrna” ūlttyq portaly Tengrinews.kz-ke sıltep.
Saiasat Nūrbektıŋ aituynşa, Qazaqstan Respublikasynyŋ densaulyq saqtau ministrlıgı qazaqstandyqtarǧa bıryŋǧai saǧat beldeuınıŋ äserın zertteu boiynşa arnaiy ǧylymi zertteu jürgızu turaly ötınım bergen. Zertteu üşın eldıŋ jetekşı instituttary tartylatyn bolady.
«Bız jetekşı instituttardy, sonyŋ ışınde geografiia institutyn, sondai-aq fiziologiialyq jäne medisinalyq aspektılerın zertteitın densaulyq saqtau ministrlıgınıŋ instituttaryn tartudy josparlap otyrmyz. Jaqyn arada Joǧary ǧylymi-tehnikalyq komissiia otyrys ötkızıp, bız osy taqyrypty tanystyramyz. Eger maqūldansa, bırden konkurs jariialap, zertteuge kırısemız», - dep jauap berdı ministr.Zertteu jürgızu üşın qanşa qarajat qajet bolatynyn ministr naqty aita almady. Bıraq «ötınım kelıp tüskenın» aityp, somasyn «qosymşa naqtylaitynyn» jetkızdı.
Ūqsas jaŋalyqtar
