Mädeniet jäne aqparat ministrlıgıne būqaralyq aqparat qūraldarynan türlı baǧyttaǧy sūraqtar jiı tüsedı. Sol saualdardyŋ bır bölıgı – kino salasyna qatysty. Būl rette qazaqstandyqtardyŋ ūlttyq mädeniet pen otandyq kinonyŋ damuyna beijai qaramaityny quantady.
Keiıngı jyldary köpşılık körermennıŋ, sonyŋ ışınde şeteldık auditoriianyŋ da qazaq filmderıne degen yqylasy artyp keledı. Tek 2024 jyldyŋ özınde ǧana otandyq filmder prokattan jiyrma ekı milliard teŋgeden astam tabys tapty. Bızdıŋ kartinalar halyqaralyq baiqaularda jiı jeŋıske jetıp jür. Soŋǧy bes jylda otandyq filmder üş jüzden astam festivalge qatysyp, jüz jetpıs jetı marapatqa ie boldy.
Biyl keiıngı 30 jylda alǧaş ret Qazaqstan Kann qalasynda ötken eŋ ırı kinonaryqtardyŋ bırı – Marché du Film alaŋynda öz stendın ūsyndy. Būl – otandyq prodiuserler men distribiutorlar üşın ülken jetıstık.
Sonymen qatar bız «Euraziia» halyqaralyq kinofestivalın qaita jaŋǧyrttyq. Būl naqty qadamdardyŋ bırı dep bılemın.
Bıraq bız üşın filmderımızdıŋ şeteldık festivalǧa ǧana emes, öz körermenıne de keŋınen jetuı asa maŋyzdy. Biyl elımızdıŋ kinoteatrlarynda «Tezek», «Feikovyi Arman», «Qaitadan» sekıldı otandyq 10 film körsetıldı.
Solardyŋ ışınde «Qaitadan» filmı prokatta 1 milliard teŋgeden astam tabys tauyp, memleket salǧan qarajatty tolyq qaitardy. Būl – kino salasynda jaŋǧyrtudaǧy baǧytymyzdyŋ dūrys ekenınıŋ bır dälelı.
Qazır körermen köbıne jeŋıl janrdaǧy filmderdı taŋdap, avtorlyq tuyndylardy köp köre bermeidı. Sol sebeptı endı jobalardy ırıkteu kezınde bız ideia jäne ssenariimen qatar, filmnıŋ körermenge qanşalyqty qyzyq bolatynyna da män beremız.
2024 jyldan bastap memleket tarapynan qoldau tapqan ärbır film aldymen el kinoteatrlarynda körsetıluge tiıs degen mındettı şart engızıldı. Tek sodan keiın ǧana onlain-platformalarǧa şyǧarylady. Atalǧan şeşım filmderdıŋ qoljetımdılıgın arttyryp, körermenmen bailanys ornatuǧa sebep bolady.
Bız tarihi ärı patriottyq baǧyttaǧy jobalardy da tūraqty türde qoldaimyz. Sonyŋ aiǧaǧy – juyrda jaryq körgen «Kapitan Baitasov» filmı. Būl tuyndy – erlık, namys pen boryş aldyndaǧy adaldyq jaiynda tereŋ oiǧa jeteleidı. Halyq qaharmany, polisiia kapitany Ǧaziz Baitasovtyŋ erlıgıne arnalǧan būl film köpşılıktı ızgı qūndylyqtarǧa ündeidı.
Sondai-aq taǧy bır airyqşa joba – «Äliia» filmıne toqtalyp ötkım keledı. «Microcosm Pictures» jauapkerşılıgı şekteulı serıktestıgımen bırlesken joba byltyr Ūlttyq kinony qoldau ortalyǧy ötkızgen baiqauda jeŋımpaz atanǧan edı. Alaida prodakşn-kompaniia qarjylyq sebepterge bailanysty tüsıruden bas tartty. Soǧan qaramastan, aldaǧy uaqytta būl ideia qaita jandanyp, Äliia Moldaǧūlova turaly film mındettı türde körermenderge jol tartady dep senemız.
Sondai-aq, kino öndırısın barynşa aşyq ärı zamanǧa sai etu maqsatynda e-Kino atty sifrlyq platforma qūrylyp jatyr. Onda filmderdıŋ tüsırılımı, tabysy, körermennıŋ sany siiaqty barlyq derek jinalady. Bügınde elımızdegı kinoteatrlardyŋ jartysy osy jüiege qosyldy. Būl baǧytta jūmys jalǧasuda.
e-Kino jüiesı naryqtaǧy naqty jaǧdaidy aşyq köruge jol aşady.
Naqty özgerıster öz nätijesın bere bastady. Nätijesınde memleket qoldauyna ie bolǧan elu jetı jobanyŋ 40-y – jas rejisserlerdıŋ jūmysy. Al qazaq tılındegı filmderdıŋ ülesı bügınde 75 paiyzǧa jettı.
Kinematografiia turaly zaŋǧa engızılgen jaŋa tüzetuler memleketke qarjylandyrudyŋ 30 paiyzyn tıkelei «Qazaqfilm» kinostudiiasyna böluge jol aşty. Būl – ūlttyq kino industriiasynyŋ köşbasşysy üşın ülken mümkındık.
Bügınde «Qazaqfilm» belsendı damyp, serıktestermen bırlesıp jūmys ıstep, tehnikalyq mümkındıkterın arttyryp keledı. Kinostudiia ūlttyq kino qoryn sifrlandyru jäne qalpyna keltıru jūmystaryn jürgızude. Sonymen bırge «Qazaqanimasiia» jobasy ıske qosylyp, elımızde alǧaş ret animasiiany kreativtı industriianyŋ bölıgı retınde damytu tūjyrymdamasy äzırlendı.
Bızdıŋ mındetımız – şyǧarmaşylyq erkındıkke jaǧdai jasau jäne avtor men körermen arasynda senımdı dialog ornatu.
Barlyq ūiymdastyruşylyq jäne tehnikalyq şeşımder aşyq ärı zaŋ aiasynda qabyldanady. Qazır Ūlttyq kinony qoldau ortalyǧyn «Qazaqfilm» kinostudiiasymen bırıktıru mäselesı qarastyrylyp jatyr. Būl – öndırıs prosesın jeŋıldetıp, tiımdılıktı arttyruǧa baǧyttalǧan qadam. Mädeniet jäne aqparat ministrlıgı aldaǧy uaqytta da otandyq kinony damytu baǧytyndaǧy jūmysyn jalǧastyra beredı.
Bızge qoǧam tarapynan türlı sūraqtar jiı tüsedı. Solardyŋ keibırı qosymşa tüsındırudı qajet etedı. Mysaly, jaqynda köp talqylanǧan taqyryptardyŋ bırı – rejisser Rüstem Omarovtyŋ «Ofsaid» atty serialynyŋ YouTube jelısınen öşırılıp, avtordyŋ Instagram paraqşasynyŋ būǧattaluy boldy. Būl jaǧdaidyŋ jeke, iaǧni naqty bır akkauntqa qatysty jait ekenın atap ötkım keledı. Mūndai kezde akkaunt iesı öz betımen onlain-platformanyŋ äkımşılıgıne habarlasyp, paraqşany qalpyna keltıru jäne sebepterın anyqtau turaly ötınış bere alady.
Sonymen qatar, otandyq onlain-serialdar men beinejobalarda ädepsız sözderdıŋ qoldanyluyna bailanysty da sūraqtar köterıldı. Būl rette eskeretın jait – qazırgı zaŋnamada mūndai äreket üşın naqty jauapkerşılık belgılengen. Iаǧni, qoǧamdyq oryndarda ädepsız söz aitu — ūsaq būzaqylyq dep tanylady. Ol üşın 20 ailyq eseptık körsetkış kölemınde aiyppūl salu, 20-dan 60 saǧatqa deiın qoǧamdyq jūmystarǧa tartu nemese 5-ten 15 täulıkke deiın äkımşılık qamauǧa alu jazasy qarastyrylǧan. Qūzyrly organdar ärbır osyndai jaǧdaidy jeke qarastyrady.
Biyl jyl basynan berı internettegı monitoring nätijesınde osyndai eluden astam qūqyqbūzuşylyq anyqtalyp, olardyŋ barlyǧy boiynşa Işkı ıster ministrlıgıne tiıstı habarlama joldandy.
Bız ärdaiym aşyqtyqty, şyǧarmaşylyq erkındıktı jäne körermenge degen jauapkerşılıktı basty maqsat etemız. Kino men media salasynyŋ damuy qoǧamǧa, mädenietke jäne bärımızdı bırıktıretın ortaq qūndylyqtarǧa qūrmetpen qarauǧa negızdeluı tiıs.
Bırlesken jūmystar nätijesınde otandyq kino būdan da biık belesterdı baǧyndyra beredı dep senemız!
