HQKO-ǧa erterek barmaǧanym üşın keşırıŋızder  - Baǧdat Musin

Ötken aptanyŋ soŋynda Qazaqstan Respublikasy Sifrlyq damu, innovasiialar  jäne aeroǧaryş ministrı Baǧdat Musin Nūr-Sūltan qalasyndaǧy Halyqqa qyzmet körsetu ortalyqtarynyŋ bırıne «ministr» retınde emes, jai qyzmet aluşy, klient retınde bardy. Būl turaly «Adyrna» ūlttyq portaly ministrdıŋ  instagramm paraqşasyndaǧy jazbasyna sılteme jasai otyryp habarlaidy.

«HQKO-nyŋ bärı bızdıŋ köŋılımız qalaǧandai, oidaǧydai emes eken. Kütpegen kezde, tosynnan baru  jalpy jaǧdaimen tanysudyŋ eŋ tiımdı ädısı ekendıgın taǧy da tüsındım. Būǧan deiın basşy retınde baryp edım», - dep aǧynan jarylypty elımızdıŋ «eŋ jas ministr» B.Musin.

Ol HQKO barǧandaǧy öz közımen körgen «köŋılge qonymsyz» körınısterdı de tızımdep, naqty aitypty:

1. «HQKO maŋaiynda «kömek qolyn sozǧyş» düŋgırşekter qaptap ketıptı. Olar «aqysyna» ESQ şyǧaryp beruge jäne egov portalynyŋ qyzmetterın aluǧa kömektesedı. Pandemiia kezınde HQKO-daǧy özıne-özı qyzmet körsetu oryndary jabylyp qalǧan edı, alaida būl sondailyq dūrys şeşım bolmaǧandyǧyn körıp otyrmyz. Adamdar jaŋaǧy düŋgırşekterge jinalǧandyqtan virus jūqtyru qaupı de basym, onyŋ üstın «tegın» aluǧa bolatyn qyzmet üşın «aqy» töleidı.

Bır apta ışınde öz-özıne qyzmet körsetu oryndaryn qaita qalpyna keltırudı tapsyrdym! Pandemiiamen küresuge kömekteskendei syŋai tanytqandai bolmai, sanitarlyq jaǧdaidy baqylauǧa ūstai otyryp, HQKO-da jūmys ıstegenımız dūrys.

2. HQKO-nyŋ sanitarlyq toraptaryndaǧy (därethanalar men qol juatyn oryndar) jaǧdai da mäz emes ekendıgı  baiqalady.

Olardy tez arada jöndeuge qarjy bölu, sanitarlyq toraptardy är saǧat saiyn suretke tüsırıp, ol fotolardy  basşylarǧa jäne ahualdyq ortalyqqa jıberıp otyru  täjıribesın engızu  turaly şeşım qabyldandy. Sondai-aq, "Azamattarǧa arnalǧan ükımet" KEAQ öŋırlık jäne audandyq basşylaryn jeke juynatyn bölmelerı bar sändı kabinetterden  aiyrudy tapsyrdym.  Basşy klientpen bırge bır sanitarlyq torapqa baruy kerek, sonda jaǧdai basqaşa bolady dep oilaimyn.

3. Resepşnnıŋ qasynda da adam köp. Būǧan sebep klient keŋes alyp bolǧan soŋ ǧana talon berıletındıgı. Menıŋ közımşe az degende 5 adam anyqtamalardy basyp şyǧardy.

Tūtynuşylardyŋ eŋ köp alatyn qyzmet türlerıne, mysaly: «eger jeke kuälıgıŋ joǧalsa ne ısteu kerek?», «päterıŋızde sız tanymaityn adam tırkeude tūrǧandyǧyn bılgen jaǧdaida qaitpek kerek?» jäne t.b. sūraqtar boiynşa  qysqa da nūsqa,ärı naqty keŋester körsetılgen bır bettık jeke-jeke aqparat-paraqşalar daiyndau kerektıgı turaly şeşım qabyldandy. Al anyqtamalardy basyp şyǧaru üşın sol baiaǧy eskı bolsada yŋǧaily infokioskıler qaitadan ıske qosylady, oǧan kuälıgıŋızdı qoiyp, skanerden ötkızıp, kez-kelgen anyqtamany şyǧaruǧa nemese qyzmet aluǧa ötımım beruge bolady.

4. Jeke kuälıgımdı qalpyna keltırdım. Suretke tüsırgen soŋ, adam suretke qalai tüskenın köru  üşın  ornynan tūryp operatordyŋ monitoryna üŋıluge mäjbür. Būl yŋǧaisyz.

Barlyq jerge ekınşı monitor qoiu kerektıgı turaly şeşım şyǧaryldy. Būl şeşım şyndyǧynda 2013 jylǧy standartta bekıtılgen bolatyn! 2013 jyly engızılgen närsenı  qaita qaitaruǧa tura kelıp tūr!

5. Qandai da bır qūjattyŋ daiyn bolǧandyǧy turaly bılu üşın qazır HQKO qoŋyrau şaluǧa  mäjbürsıŋ. (2008 jyldyŋ özınde Timur Jünısovtıŋ aituy boiynşa qūjattyŋ daiyn ekendıgı jäne ony alyp ketuge bolatyndyǧy turaly sms-habarlamalar jasalynǧan edı).

Az uaqyttyŋ ışınde klientterge sms-habarlama joldau boiynşa servistı qaita qalpyna keltıru turaly şeşım qabyldandy.

6. Kezektı brondau – bır paidasy joq dünie. Kezektı brondaisyŋ, erterek kelesıŋ, al senımen bırge bronsyz  adamdar da keledı, ūrysysady, daulasady sodan olarǧa da qyzmet körsetıledı.

Brondy tek  belgılı bır fokus toby  (ol jerge är türlı jastaǧy adamdar kıretın bolady) qoldana alatyn kezde ǧana mındettı qylu kerektıgı turaly şeşım qabyldandy.

HQKO-ǧa būdan erterek barmaǧanym üşın keşırıŋızder.Barlyq qyzmet türlerın onlainǧa auystyryp, HQKO baru qajettılıgın joiudy oiladym. Alaidy, jasy ülken adamdar üşın HQKO baru äldeqaida tän qūbylys ekendıgın moiyndaimyn, sondyqtan  būdan bylai da qyzmet körsetu kezındegı jasalatyn jailylyq jolynda ter tögemın». Foto B.Musinnıŋ instagramm paraqşasynan alyndy

Erke Jomart

«Adyrna»  ūlttyq portaly