Äleumettık jelı betınde «Jazuşylar odaǧynyŋ Astana qalasy filaly taratylyp, onyŋ basşysy Däuletkerei Käpūly qyzmetten alynady» degen postar jiı tarady. Sodan berı 3 kün ötkende Qazaqstan Jazuşylar odaǧynyŋ töraǧasy Mereke Qūlkenov Däuletkereidı ornynan alu turaly äŋgıme bolmaǧanyn endı aitty, dep habarlaidy “Adyrna” ūlttyq portaly.
“Jas Alaş” gazetıne bergen sūhbatynda Mereke Qūlkenov Däuletkerei Käpūlynyŋ qyzmetınen alu turaly aqparat jalǧan ekenın aitady.
«Däuletkereidı ornynan alu turaly äŋgıme bolǧan joq. Būl ötırık äŋgıme. Däuletkerei jūmysyn ıstep otyr. Ony jūmystan ketıru turaly eşqandai būiryq şyqqan joq. Endı hat turaly aitaiyn. D.Äbdıkūly, Q.Salǧaraūly, Q.Jienbai, S.Äbdırahmanov qatarly qalamgerler bır hat jazyp qol qoiypty, bıraq ol hat eş jerde jariialanǧan joq, menıŋ qolymda. Osy hatta odaqtyŋ tūtastyǧyn saqtauymyz kerek degen ǧana oi aitylǧan. Osyǧan deiın bıreuler byqsyp, «Astanadan bır Jazuşylar odaǧyn aşsaq» dep äleumettık jelılerde jazba jazǧan bolatyn. Ärine, mūndai pıkırdı olar tıkelei aitpasa da, jazba astynda bıreulerge sondai pıkır jazdyryp otyrǧany baiqalady”, deidı Mereke Qūlkenov.
Sondai-aq, oblystyq filialdardy jabu turaly sybysqa da jauap berdı.«Oblystyq filialdardy jauyp, onyŋ ornyn ökıldıkke auystyru turaly da aitylyp jatyr. Mūny da tüsındıre keteiın. Osyǧan deiın öŋırlerde odaqtyŋ filialdary boldy. Olar odaqtyŋ atynan qūzyrettı oryndarǧa «mynany ıstep ber» dep hat jazatyn. Söitedı de, olar barlyq qarjyny özderınıŋ jeke JK-syna audartyp alady. Men odaq basşylyǧyna kelgelı filialdardan odaqqa bır tiyn aqşa tüsken joq. Negızı filialdar jergılıktı jerde bızdıŋ jaǧdaiymyzdy jasau kerek qoi, bıraq olai bolmai tūr. Sondyqtan men ony ökılettı qylyp, jūmystar odaqtyŋ şeşımımen jasalsa degen oi bolatyn. Qazır qaitadan oilanyp otyrmyz, mümkın basqaşa jasaityn şyǧarmyz. Negızı filial da, ökıldık te odaq üşın, odaqtyŋ abyroiy üşın, odaqtyŋ qarjysyn köbeitu üşın jūmys jasau kerek. Äitpese, ony nege qūrdyq.
«Filialdy jabudy odaq töraǧasy şeşe almaidy, ol üşın sezd ötuı kerek» dep aitylyp jatyr. Jarǧynyŋ 2, 7, 4-tarmaǧy negızınde filialdardy qūru turaly şeşım sezdıŋ qūzyrynda degen söz bar. Sonymen qatar Jarǧynyŋ 6-tarmaǧyna säikes qajetıne qarai Jazuşylar odaǧy ökıldıkterın, aumaqtyq bölımşelerın qūruǧa qūqyly degen de söz bar. Kördıŋız be, bylai da, bylai da kelıp tūr. Osyǧan deiın Jarǧydaǧy jazylymǧa säikes eşqaşan sezde filial qūru jönınde şeşım şyqpaǧan», – dedı M.Qūlkenov.
