Resei bilıgı GULAG tarihyna arnalǧan muzeidı bıraz uaqytqa jabu turaly şeşım qabyldady, dep habarlaidy "Adyrna" ūlttyq portaly Golos Amerikiǧa sılteme jasap.
Būl muzei keŋestık däuırdegı repressiia qūrbandaryna arnalyp aşylǧan. Muzeidıŋ resmi mälımetı boiynşa, jabylu sebebı ört qauıpsızdıgı erejelerınıŋ būzyluyna bailanysty. Alaida būl qadam Kremldıŋ täuelsız azamattyq qoǧamǧa jäne resmi tarihqa kümän keltıretınderge qarsy jürgızıp otyrǧan belsendı nauqanynyŋ aiasynda oryn alyp otyr.
Muzeidıŋ vebsaitynda «mamandardyŋ tekseruı kezınde ört qauıpsızdıgı erejelerınıŋ būzylǧany anyqtaldy» degen mälımdeme jariialanǧan. Sondai-aq, muzeidıŋ basqa da materialdaryna qoljetımdılık şektelgen.
2001 jyly negızı qalanǧan muzei Mäskeudıŋ ortalyǧynda ornalasqan. Mūnda GULAG qūrbandarynyŋ otbasylyq fotosuretterı men zattary jäne resmi memlekettık qūjattar saqtalǧan. GULAG - keŋes odaǧy kezınde qūrylǧan eŋbek lagerlerı jüiesı. Milliondaǧan adamdar, memleketke qarsy şyqqandar nemese «halyq jauy» dep tanylǧandar osy lagerlerge jıberılgen edı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz