Erbolat Dosaev osy jyldyŋ tamyz aiynda qyzmetıne kırısken Germaniia Federativtık Respublikasynyŋ Almaty qalasyndaǧy jaŋa Bas konsuly Mattias Kislermen kezdestı.
Kezdesu barysynda sauda-ekonomikalyq jäne mädeni-gumanitarlyq salalardaǧy yntymaqtastyqty damytu perspektivalary, sondai-aq öŋdeu önerkäsıbıne, densaulyq saqtau, ekologiia jäne sifrlandyru salalaryna investisiia men tehnologiia tartu jaiy talqylandy. Atap aitqanda, Almatynyŋ industriialyq aimaǧynda Germaniianyŋ investory jüzege asyratyn jalpy qūny 75 mlrd teŋge bolatyn jäne 300 jūmys ornyn aşatyn jylu oqşaulaǧyş materialdar şyǧaratyn zauyt qūrylysy jönındegı mäseleler qaraldy.
Sonymen qatar, energetika salasyna arnalǧan jabdyqtar men komponentter öndırumen ainalysatyn jetekşı transūlttyq kompaniialardyŋ bırınıŋ aimaqtyq servis habyn ornalastyru mümkındıgı talqylandy. Būl hab Ortalyq Aziia men Kavkaz elderındegı salalyq kompaniialarǧa servistık qoldau körsetedı dep boljanuda.
Jalpy, ekı el arasyndaǧy tauar ainalymy dästürlı türde joǧary deŋgeide saqtalyp keledı. Biylǧy 9 aida būl körsetkış 1 mlrd AQŞ dollarynan asty. Bügınde Almatyda nemıs kapitalynyŋ qatysuymen 396 käsıporyn nemese Qazaqstanda ornalasqan barlyq käsıporynnyŋ üşten bırı jūmys ısteidı.
Kezdesu qorytyndysy boiynşa taraptar özara qarym-qatynasty nyǧaituǧa uaǧdalasty jäne bırqatar bırlesken jobany ıske asyruǧa daiyn ekendıkterın bıldırdı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz