AQŞ qorǧanys ministrlıgınıŋ strategiialyq qolbasşylyǧynyŋ ökılı Tomas Biukenen Reseimen iadrolyq qaru qoldanu mümkındıgı turaly pıkır bıldırdı, dep habarlaidy "Adyrna" ūlttyq portaly RİA Novosti agenttıgıne sılteme jasap.
Vaşingtondaǧy Strategiialyq jäne halyqaralyq zertteuler ortalyǧynda söilegen sözınde Biukenen iadrolyq soqqylar almasu jaǧdaiynda AQŞ üşın eŋ qolaily şarttardy saqtau maŋyzdy ekenın aitty.
"Iаdrolyq qarudy qoldanu turaly aitatyn bolsaq, bız eşqaşan soqqy jasaǧymyz kelmeidı. Degenmen, eger ondai qajettılık tuyndasa, bız arsenaldyŋ bır bölıgın saqtai otyryp, Amerika Qūrama Ştattary üşın eŋ tiımdı şarttarda äreket etemız," – dedı ol.
Sonymen qatar, ol iadrolyq qarudy qoldanu strategiiasynyŋ basty maqsaty – jaudy tejeu ekenın atap öttı. Biukenennıŋ aituynşa, AQŞ üşın basty şart – iadrolyq arsenaldy tolyq jūmsamai, rezervtı saqtap qalu arqyly öz qauıpsızdıgın qamtamasyz etu.
"Barlyq resurstardy bırden jūmsau dūrys emes. Bız ärdaiym rezervtık qorymyzdy saqtauymyz kerek," – dep tüsındırdı kontr-admiral.
Sonymen bırge, Pentagon ökılı AQŞ-tyŋ iadrolyq soqqylarǧa tübegeilı qarsy ekenın taǧy da basa aitty.
RBK Stokgolm beibıtşılıktı zertteu institutynyŋ derekterıne sılteme jasap, 2023 jyldyŋ qaŋtaryndaǧy jaǧdai boiynşa Reseide 4,5 myŋ, al AQŞ-ta 3,7 myŋ iadrolyq oqtūmsyq bar ekenın habarlady.
Būl mälımdeme qazırgı geosaiasi ahualda iadrolyq qarudyŋ qoldanu qaupı turaly talqylaulardyŋ qaita küşeiıp jatqanyn körsetedı.
Ūqsas jaŋalyqtar
