Astanada Halyqaralyq mügedektıgı bar adamdar künı qarsaŋynda «AMANAT» partiiasynyŋ qoldauymen Qazaqstan mügedekter konfederasiiasy ūiymdastyrǧan XVII «Jan Şuaq» qoǧamdyq syilyǧynyŋ laureattaryn marapattau räsımı öttı. Būl syilyq jyl saiyn qoǧamdyq qyzmette erekşe nätijelerge qol jetkızgen mügedektıgı bar adamdarǧa berıledı.
Marapattau räsımın aşa otyryp, Mäjılıs Spikerı, «AMANAT» partiiasynyŋ Töraǧasy Erlan Qoşanov erekşe qajettılıgı bar azamattardyŋ tūrmysyn jaqsartu mäselesı Prezident Qasym-Jomart Toqaevtyŋ nazarynda ekenın atap öttı.
«Qoǧamnyŋ jetılu deŋgeiı, adami, azamattyq jauapkerşılıgı onyŋ erekşe qajettılıgı bar adamdarǧa degen közqarasymen ölşenedı. Elımızde būl közqaras oŋ baǧytqa qarai özgerude. Osy özgerısterdıŋ özegınde el Prezidentı Qasym-Jomart Toqaevtyŋ äleumettık tūrǧyda Ädılettı Qazaqstandy qūruǧa baǧyttalǧan saiasaty jatyr. Bız ūzaq uaqyt boiy mügedektıgı bar adamdar tek qorǧau men kömektı qajet etedı degen taptauryn qaǧidamen ömır sürdık. Däl qazır būl stereotipterdıŋ mänı joiyluda», – dedı ol.
Mäjılıs Spikerı «Jan Şuaq» syilyǧyna qatysuşylar – erık-jıger men ūltjandylyqtyŋ naǧyz ülgısın körsetıp kele jatqan jeŋımpazdar ekenın jetkızdı. Oǧan – Ūlttyq qūramanyŋ biylǧy Paralimpiadada tabysty öner körsetıp, Parij törınde sportşylarymyzdyŋ 9 märte jeŋıs tūǧyryna köterılgenı aiqyn dälel. Prezident osy tolaǧai tabysty de erekşe atap ötıp, el mereiın asyrǧan barlyq Paraolimpiada jüldegerlerı men bapkerlerın memlekettık ordendermen marapattady.
Erlan Qoşanov partiianyŋ «Halyqpen bırge!» sailaualdy baǧdarlamasyn jüzege asyru aiasynda mügedektıgı bar adamdardyŋ tauarlar men qyzmetterge tapsyrys beruıne arnalǧan «Aleumet» qosymşasy ıske qosylǧanyn, sondai-aq erekşe qajettılıgı bar 15 myŋǧa juyq adam jūmysqa ornalastyrylǧanyn atap öttı. Būǧan qosa, «Kedergısız keleşek» jobasy aiasynda osy jyldyŋ özınde 4 myŋ äleumettık jäne kölık infraqūrylymy nysandary mügedektıgı bar azamattarǧa sai beiımdeldı.
Sonymen qatar, ekınşı jyl qatarynan Mäjılıste «İnkliuzivtı Parlament» deputattyq toby jūmys ısteude. Onyŋ qūramynda Parlamenttıŋ 20-ǧa juyq deputaty bar. Olar auqymdy jūmys atqaryp, nätijesınde tūrǧyn üi saiasaty jönındegı zaŋda mügedektıgı bar adamdar men mügedektıgı bar bala asyrap otyrǧan otbasylardyŋ tūrǧyn üi aluyna bırınşı kezekte qūqyq beru közdeldı, mügedektıgı bar adamdardy kolledjderge qabyldau kvotalarynyŋ sany ūlǧaityldy.
Biyl Memleket basşysy mäjılısmen ärı «İnkliuzivtı Parlament» deputattyq tobynyŋ müşesı Kenjeǧūl Seitjandy Halyqtyŋ äleumettık jaǧynan osal sanattarynyŋ qūqyqtary jönındegı uäkıl lauazymyna taǧaiyndady.
Öz kezegınde, Qazaqstan mügedekter konfederasiiasynyŋ prezidentı Janat Omarbekova «Jan Şuaq» syilyǧyn tapsyru räsımı 2008 jyldan berı ötkızılıp kele jatqanyn jäne osy jyldar ışınde 90-ǧa juyq adam marapattalǧanyn atap öttı. Biyl aşyq dauys beru nätijesınde ūiymdastyru komissiiasynyŋ şeşımımen 8 laureat anyqtaldy.
«Bızdıŋ basty mındetımız – mügedektıgı bar adamdardyŋ qoǧammen bıte qainasyp ketuıne kömektesu, äleuetın aşu, ıske asyratyn jaŋa mümkındıkter beru jäne olardyŋ ainaladaǧy adamdarǧa qajet ärı belsendı boluǧa degen ūmtylysyn qoldau, damuǧa jäne alǧa ūmtyluǧa degen şeşımın jan-jaqty yntalandyru», – dedı ol.
Osylaişa, Qazaqstan tarihyndaǧy tūŋǧyş ekı dürkın Paralimpiada chempiony, pauerlifter David Degtiarev «Küş-jıgerı jäne jeŋıske talpynysy üşın» syilyǧynyŋ iegerı atandy.
«Mügedektıgı bar adamdardyŋ ǧylym men bılım beru qyzmetın damytuǧa qosqan ülesı jäne oquǧa talpynysy üşın» nominasiiasynda Şymkent qalasynyŋ tūrǧyny Ermek Bäkiev marapatqa ie boldy. Ol bes jyl boiy «Otyrar» telearnasynda «Erekşe jandar» baǧdarlamasynyŋ jürgızuşısı bola jürıp, mügedektıgı bar adamdardyŋ şyǧarmaşylyǧy men jetıstıgın nasihattady.
Almaty oblysy M.Tüimebaev auylynyŋ tūrǧyny Jeŋısgül Däuletova «Käsıpkerlık qyzmettı damytuǧa qosqan ülesı üşın» nominasiiasy boiynşa laureat atandy. Äigılı qolöner şeberı 20 jyldan berı körpe, jastyq jäne qazaq halqynyŋ ūlttyq kiımderın tıgumen ainalysyp keledı.
«Mügedektıgı bar adamdarǧa qatysty qoǧamdyq sananyŋ oŋ özgeruıne qosqan ülesı üşın» syilyǧyn Astana qalasynyŋ tūrǧyny, qoǧam qairatkerı, erekşe qajettılıgı bar adamdarǧa arnalǧan köpşılık jarystardyŋ qatysuşysy jäne ūiymdastyruşysy Nūrlan Syzdyqovielendı.
«Öner salasyndaǧy üzdık jetıstıkterı üşın» nominasiiasy boiynşa Semei qalasynyŋ tūrǧyny Abylaihan Asylbai jeŋımpaz atandy. Zerger – «EKSPO – 2017» respublikalyq sändık-qoldanbaly öner şeberlerı baiqauynyŋ finalistı.
«Mädeniet salasyndaǧy üzdık jetıstıkterı üşın» syilyǧynyŋ iegerı – Petropavldan kelgen «Sensitive» estu qabıletı būzylǧan bişıler teatrynyŋ şyǧarmaşylyq ūjymy. Soltüstık Qazaqstan oblysynyŋ ansamblı 18 jyldan berı jūmys ıstep keledı. Osy uaqyt aralyǧynda olar tek Qazaqstanda ǧana emes, älemge tanymal ūjymǧa ainaldy. Biyl Fransiiadaǧy halyqaralyq festivalde «Sensitive» Kann şyǧarmaşylyq öner festivalınıŋ üzdık horeografiialyq ūjymy retınde tanyldy.
«Sport salasyndaǧy üzdık jetıstıkterı üşın» nominasiiasynda pauerliftingten Qazaqstannyŋ bırneşe dürkın chempiony, Aziia paralimpiada oiyndarynyŋ qola jüldegerı, Aqtöbe oblysy Qandyaǧaş qalasynyŋ tūryǧy Gülım Qūrmanbaeva jüldeger atandy.
Qoǧamdyq qyzmettegı eŋbegı üşın İran Omarbekov atyndaǧy qordyŋ arnaiy syilyǧymen Qyzylordadan kelgen bloger Zäure Öksımbaeva marapattalady.
Är laureat 1 mln teŋge kölemınde aqşalai syilyqqa ie boldy.
Saltanatty räsımge qatysuşylar men qonaqtar üşın beineleu jäne qoldanbaly öner körmesı ūiymdastyryldy. Ondaǧy är tuyndyny erekşe qajettılıgı bar şeberler jasady.
«AMANAT» partiiasynyŋ baspasöz qyzmetı
Surettı tüsırgen: Äli Ǧalym
