Qazaqstannyŋ Ukrainadaǧy elşısı Darhan Käletaev Ukraina men Resei arasyndaǧy soǧystyŋ şielenısuıne bailanysty Kievtegı jaǧdaiǧa mälımdeme jasady, dep habarlaidy “Adyrna” ūlttyq portaly Ulysmedia aqparat közıne sılteme jasap.
22 qaraşadaǧy aqparatqa säikes, elşınıŋ aituynşa, Ukrainada konsuldyq esepte 1789 Qazaqstan azamaty tırkelgen, onyŋ ışınde 1193 adam tūraqty esepte, al 596 adam uaqytşa esepte tūr.
Darhan Käletaev qazaqstandyqtardan evakuasiia turaly ötınış tüspegenın habarlady.
— Elşılıkke evakuasiia turaly ötınışter tüsken joq. Qazırgı uaqytta bız Ukraina aumaǧyndaǧy 300 Qazaqstan azamatynyŋ jaǧdaiyn baqylap, bailanys ūstap otyrmyz, — dep naqtylady ol.
Sonymen qatar elşı artilleriialyq jäne äue şabuyldary sanynyŋ köbeiuıne bailanysty 20 qaraşada elşılık Qazaqstan azamattaryna belsendı ūrys qimyldary jürıp jatqan aimaqtardan ketudı nemese öz qauıpsızdıgın qamtamasyz etu üşın elden şyǧu mümkındıgın qarastyrudy ūsynǧanyn aitty.
Kievtegı jaǧdaiǧa qatysty sūraqqa jauap bere otyryp, Darhan Käletaev dron soqqylarynyŋ elşılık ǧimaratyna jiı estıle bastaǧanyn atap öttı.
Būǧan deiın Qazaqstan Prezidentı Qasym-Jomart Toqaev premer-ministrge, Prezident äkımşılıgı basşysyna, barlyq küştık qūrylymdardyŋ jetekşılerıne jäne äkımderge Ukraina töŋıregındegı jaǧdaidyŋ şielenısuıne bailanysty äskeri jäne azamattyq nysandardyŋ qauıpsızdıgın qamtamasyz etu boiynşa şūǧyl şaralar qabyldaudy tapsyrǧan bolatyn.
Qazaqstan premer-ministrı Oljas Bektenov prezident tapsyrmalaryn oryndau, äskeri jäne azamattyq nysandardyŋ qauıpsızdıgın qamtamasyz etu mäselelerı boiynşa keŋes ötkızdı.
