Özbekstan şetelde tūratyn otandastaryn qoldau üşın arnaiy Vatandosh (Otandas) kartasyn engızdı. Būl bastama prezident Şavkat Mirzieevtıŋ 2023 jyldyŋ 20 qaraşasyndaǧy qaulysy negızınde qabyldanǧan, dep habarlaidy "Adyrna" ūlttyq portaly fergana.agency-ǧa sılteme jasap.
Özbekstannan şyqqan, bıraq şetelde tūratyn azamattar Vatandosh kartasyn ala alady. Ol vizasyz Özbekstanǧa kıru siiaqty bırqatar jeŋıldıkter beredı.
Būl karta şetelde tūratyn, bıraq Özbekstannyŋ äleumettık jäne ekonomikalyq ömırıne belsendı qatysyp jürgen otandastardy yntalandyrudyŋ bır türı. Ol eldıŋ basqa memlekettermen dostyq qarym-qatynastaryn nyǧaituǧa aitarlyqtai üles qosqan jäne qaiyrymdylyqpen ainalysatyn tūlǧalarǧa berıledı.
Karta bes jylǧa jaramdy, bıraq onyŋ jaramdylyq merzımı ūlttyq tölqūjattyŋ merzımınen aspaidy. Kartany beru turaly şeşımdı arnaiy komissiia qabyldaidy. Ümıtkerler Özbekstan ministrlıkterı men vedomstvolarynyŋ ūsynymdary negızınde qaralady.
Kartany paidalanuşylar vizasyz Özbekstanǧa kıruge, tūruǧa rūqsatsyz jyljymaityn mülık satyp aluǧa, qosymşa rūqsattarsyz jūmysqa ornalasuǧa, Özbekstan azamattaryna arnalǧan medisinalyq, bılım beru jäne basqa memlekettık qyzmetterdı paidalanuǧa mümkındık alady.
Būl artyqşylyqtar otandastarǧa arnalǧan jeŋıldetılgen karta ielerınıŋ otbasy müşelerıne de qatysty. Olardyŋ ata-analary, jūbaiy jäne balalary elden şyqpai-aq vizany bırneşe ret ūzartu mümkındıgıne ie bolady. Sonymen qatar, ışkı ıster organdary olar üşın respublika aumaǧynda uaqytşa tırkeudı jäne onyŋ merzımın ūzartudy tegın räsımdeidı.
Prezident jarlyǧynda atap ötılgendei, Vatandosh kartasyn engızu bastamasy şetelde tūratyn otandastardy qoldauǧa jäne yntalandyruǧa, olardy tarihi otanymen bırıktıruge, elge degen maqtanyş sezımın nyǧaituǧa, ūlttyq sana-sezımdı saqtauǧa jäne olarmen tūraqty dialogty keŋeituge baǧyttalǧan.
