Eks-prezident Nūrsūltan Nazarbaevtyŋ oligarh küieu balasy Timur Qūlybaev Bas prokuraturanyŋ aktivterdı qaitaru jönındegı komitetın sotqa berdı, dep habarlaidy «Adyrna» tılşısı QazTAG-qa sılteme jasap.
«Talapker: «Qazaqstan Respublikasy Bas prokuraturasynyŋ aktivterın qaitaru komitetı» respublikalyq memlekettık mekemesı. Jauapker: Qūlybaev Timur Asqarūly»,— delıngen 18 qaraşada bastalǧan prosestıŋ taraptarynyŋ sipattamasynda.
Is sudiaǧa berılıp, apelliasiia satysynda qaralyp jatyr. Äzırge basqa aqparattar jariialanbady.
Aita keteiık, būǧan deiın Qūlybaev Bas prokuraturanyŋ aktivterdı qaitaru jönındegı komitetınıŋ äreketıne şaǧymdanu üşın bırneşe ret sotqa jügıngen bolatyn. Alaida Astana qalasynyŋ azamattyq ıster jönındegı audanaralyq soty onyŋ aryzdaryn qaitaryp tastaǧan.
Būdan aldyn Qarjylyq monitoring agenttıgınıŋ basşysynyŋ orynbasary Jeŋıs Elemesov būrynǧy prezident Nūrsūltan Nazarbaevtyŋ qyzdary men küieu balasyna qatysty eşqandai tergeu jürgızılmeitının aitqan bolatyn. Juyrda belgılı bolǧandai, Joint Resources qarjylyq esebıne säikes, Timur Qūlybaevtyŋ kompaniiasy 39 milliard teŋgeden astam taza paida alǧan. Būl kompaniia energetika, tau-ken jäne mūnai salalaryndaǧy aktivterdı basqarady. Biyl Timur Qūlybaevtyŋ Atyrau oblysyndaǧy «Kaspii neft» kompaniiasyna 13,6 mlrd teŋge aiyppūl salynǧan. «AQ-nyŋ 2021-2022 jyldary būrǧylau jäne ken ornyn paidalanu qyzmetınde qūralǧan 4500 tonnadan astam qauıptı qaldyqtarǧa jinaqtalu limitın almaǧany anyqtaldy. Prokurordyŋ ūsynysyn qarau nätijesı boiynşa Atyrau oblystyq sotynyŋ sot alqasynyŋ 02.07.2024 jylǧy qaulysymen «Kaspii neft» AQ Äkımşılık qūqyq būzuşylyq turaly kodekstıŋ 328-babymen äkımşılık jauapkerşılıkke tartylyp, 13 684 868 730 teŋge aiyppūl salyndy», - dep habarlanǧan sol kezdegı aqparatta. Al Mäjılıs deputaty Baqytjan Bazarbek te Timur Qūlybaevtyŋ kompaniiasy Almaty äkımdıgınen 34 milliard teŋge öndırıp almaq niette ekenın aityp, dabyl qaqqan. Deputattyŋ aituynşa talap äl-Farabi atyndaǧy QazŪU-dyŋ jerın qaitaru ısımen bailanysty bolǧan. Deputat öz ötınışın Bas prokuraturaǧa joldaǧan. "Sot şeşımı boiynşa biznes ortalyq salatyn jerınen aiyrylǧan Timur Qūlybaevtyŋ firmasy Almaty äkımdıgıne 34 milliard teŋge somasynda şot-faktura jasady. Endı sottan ūtylǧannan keiın kompaniia biznes ortalyqtyŋ qūrylysyna salǧan özınıŋ zaŋsyz investisiialaryn öndırıp alǧysy keledı. Būl äkımdık zaŋsyz bergen barlyq jer uchaskelerı jobalarǧa bailanysty", – degen edı deputat. 2017 jylǧy 1 tamyzda Äl-Farabi atyndaǧy Qazaq ūlttyq universitetı Almaty äkımdıgıne äl-Farabi daŋǧyly, 71 mekenjaiy boiynşa jer uchaskesınıŋ şekaralaryn tüzetu turaly ötınışpen jügıngen. Jalpy QazŪU öz aumaǧyn bır gektarǧa – 73,2-den 72,1 gektarǧa deiın qysqartudy josparlaǧany aitylady.
