Mırjaqyptyŋ tuǧan künınde taǧy bır suretı jariialandy

Qazaqtyŋ asa körnektı aǧartuşysy, qoǧam qairatkerı, aqyn Mırjaqyp Dulatūlynyŋ 1906 jyly Petropavl qalasynda tüsken suretı tabyldy, dep habarlaidy «Adyrna» tılşısı «Egemen Qazaqstan» gazetıne sılteme jasap.

Fotosuret 1967 jyly Niu-Iork, London qala­larynda qatar basylǧan «Or­ta­lyq Aziia Resei otarynda» atty zertteu eŋbegınde ja­ryq körgen. Amerika tarihşysy Edvard Alvorzdıŋ redaksiiasymen oqyrmanǧa ūsy­nylǧan būl ǧylymi ji­naq­ta Ortalyq Aziiadaǧy halyq­tar­dyŋ jalpy jaǧdaiy, tılı, ädebietı, äleumettık jäne qoǧamdyq tüitkılder, otar­lyq däuır jaǧdaiy siiaqty ma­ŋyzdy mäselelerdı söz etken. 

Osy jinaqtyŋ bel orta­syndaǧy «Qūbylmaly ziiat­kerlık jäne ädebi sauat­ty­lyq» atty maqalada: «Qazaq ūlt­şyldarynan qūralǧan «Alaş­orda» partiiasynyŋ ne­gı­zın qalauşylardyŋ bırı, qazaq oqu-aǧartu komissary mındetın atqarǧan Ahmet Bai­tūrsynūly şyn mänınde ma­ŋyz­dy saiasi qairatker bola bıldı, al Mırjaqyp Dulatūly ony köptegen ıs-ärekette özıne ülgı tūtty»,–dep jazylǧan.

Sondai-aq ǧalym Mırjaqyp Dulatūlynyŋ būryn jariialanbaǧan bır suretın qosqan. Onyŋ astyna «Mırjaqyp Dulatūly (sol jaqta) qazaq reformatory, jaqyn dosy Ahmet Vali İb­rahimoǧlynyŋ qolyn qy­­syp tūr, Petropavl, 1906 jyl» degen tüsınıkteme bergen.

Aita keteiık, biyl «Oian, qazaq!» dep jar salǧan Mırjaqyp Dulatūlynyŋ tuǧanyna 139 jyl tolyp otyr. Alaş arysy 1885 jyly 25 qaraşada Torǧai öŋırınde düniege kelgen. Ol HH ǧasyrdyŋ bas kezınde qazaq ziialylarymen bırlesıp, qazaq halqynyŋ azattyǧy üşın kürestı. Sondai-aq ūlttyq baspasözımızdıŋ ūiytqysy bolyp, «Qazaq», «Saryarqa», «Alaş» gazetterı arqyly orasan zor jūmystar atqardy.