Parlament Mäjılısınıŋ qarauyna «Qazaqstan Ükımetı men Resei Ükımetı arasyndaǧy Qazaqstan Respublikasynyŋ aumaǧynda Kökşetau, Semei jäne Öskemen qalalarynda kömır jaǧatyn jylu elektr ortalyqtaryn salu jobalary turaly kelısımdı ratifikasiialau turaly» zaŋ jobasy kelıp tüstı, dep habarlaidy "Adyrna" ūlttyq portaly.
Kelısım Qazaqstan men Resei arasyndaǧy energetikalyq yntymaqtastyqty nyǧaituǧa baǧyttalǧan. Ol atalǧan qalalarda jaŋa jylu elektr ortalyqtaryn jobalau, qūrylys jūmystaryn jürgızu jäne olardy paidalanuǧa beru üşın qajettı jabdyqtardy daiyndau men jetkızu şaralaryn qamtidy. Sonymen qatar, Resei tarapy Qazaqstanǧa memlekettık eksporttyq kredit türındegı jeŋıldetılgen qarjylandyrudy ūsynbaq.
Mäjılıstıŋ Ekologiia mäselelerı jäne tabiǧat paidalanu komitetı zaŋ jobasyn qarastyryp, qorytyndy äzırleuge daiyn ekenın deputat Edıl Jaŋbyrşin jalpy otyrysta mälımdedı.
Eske salsaq, ötken jyldyŋ qaraşa aiynda Qazaqstan men Reseidıŋ Energetika ministrlıkterı arasynda osy jobalarǧa qatysty yntymaqtastyq turaly özara tüsınıstık memorandumyna qol qoiylǧan bolatyn.
Būl jobalar Qazaqstandaǧy jylu energiiasy tapşylyǧyn şeşıp, öŋırlerdıŋ energetikalyq qauıpsızdıgın arttyruǧa mümkındık beredı dep kütılude.
Ūqsas jaŋalyqtar
