Ukrainaǧa jappai basyp kıru kezınde qaza tapqan reseilık 80 973 äskeri qyzmetkerdıŋ aty-jönı anyqtaldy. Olardyŋ jartysynan köbısı soǧys bastalǧanda äskermen bailanysy bolmaǧan. Būl turaly aşyq derekterge süiene otyryp, VVS Mediazona basylymymen jäne erıktıler tobymen bırge anyqtady, dep habarlaidy “Adyrna” ūlttyq portaly VVS-ge sıltep.
Aqparatqa säikes, erıktıler arasynda qaza tapqandar sanynyŋ jyldam ösuı jalǧasyp jatyr. Olardyŋ köpşılıgı aldyŋǧy şepke jıberılgennen keiın ekı-tört apta ışınde qaza tapqan.
Altai ölkesınıŋ Zarinsk qalasynan 32 jastaǧy Nikita Soloviov 2024 jyldyŋ 9 qyrküiegınde Ukrainaǧa attanyp, bes künnen keiın qaza tapqan.
Aita ketsek, erıktıler degenımız – tolyqmasştabty basqynşylyq bastalǧannan keiın ǧana kelısımşartqa qol qoiǧan adamdar. Olardyŋ jalpy qaza tapqandar arasyndaǧy ülesı ösıp keledı jäne qazırgı uaqytta Resei tarapynan rastalǧan jalpy şyǧyndardyŋ 22%-yn qūraidy.
2023 jyldyŋ qaraşa aiynda erıktıler tek 14%-dy ǧana qūraǧan bolatyn.
Qamauǧa alynyp, soǧysqa jıberılgen tūtqyndardyŋ ülesı kerısınşe azaiyp barady. 2023 jyldyŋ qaraşa aiynda olar jalpy şyǧyndardyŋ 26%-yn qūrasa, qazır būl körsetkış 18%-ǧa deiın tömendegen. Degenmen, tūtqyndardan jasaqtalǧan bölımşeler älı de aldyŋǧy şepte ornalasyp, şaiqastyŋ bır bölıgın öz moiyndaryna alyp otyr.
