Ukraina prezidentı Vladimir Zelenskii eldıŋ baqylauyndaǧy aumaqtardy NATO-nyŋ qauıpsızdık kepıldıgıne alu arqyly soǧystyŋ «qyzu kezeŋın» toqtatuǧa bolatynyn aitty, dep habarlaidy "Adyrna" ūlttyq portaly Sky News basylymyna sıltep.
Būl turaly Ukraina basşysy 29 qaraşada mälımdedı. Zelenskiidıŋ aituynşa, Ukraina öz aumaǧyn NATO «qolşatyrynyŋ» astyna jyldam engızse, uaqyt öte okkupasiialanǧan jerlerdı diplomatiialyq jolmen qaitaruǧa mümkındık tuady.
Ukraina Soltüstıkatlantikalyq alians qūramyna ense, Resei prezidentı Vladimir Putin basyp alǧan aumaqtardy qaitaru üşın jaŋa şabuyldar jasai almaidy. Eger NATO tarapynan qauıpsızdık kepılınsız soǧysty «toqtatu» kelısımı jasalsa, Ukrainaǧa jaŋa qauıp tönuı mümkın.
Zelenskii okkupasiialanǧan aumaqtardan bas tartu turaly äŋgıme joq ekenın atap öttı. Onyŋ pıkırınşe, Ukraina halyqaralyq moiyndalǧan şekaralarynda, onyŋ ışınde anneksiialanǧan Qyrymdy qosa alǧanda, NATO-ǧa müşe boluy tiıs.
«Bız eşqaşan öz jerımızdı qandai da bır statusqa aiyrbastamaimyz. NATO-nyŋ qoldauymen Ukraina būl jerlerdı diplomatiialyq jolmen qaitaryp alady», – dedı Zelenskii.Būl mälımdeme AQŞ-tyŋ būrynǧy prezidentı Donald Tramptyŋ Ukraina men Resei arasyndaǧy soǧysty toqtatu josparyna jauap retınde aityldy. Tramptyŋ jospary boiynşa, Ukraina NATO-ǧa müşe bolu üşın keibır aumaqtardy Reseige qaldyruǧa kelıse alady degen pıkır talqylanǧan edı. Aita keteiık, Ukraina alǧaş ret amerikalyq ATACMS zymyrandary arqyly Resei aumaǧyna soqqy bergen bolatyn.
Ūqsas jaŋalyqtar
"Būl bızge beibıtşılık äkeledı". Zelenskii jaŋa "Ruta" zymyranynyŋ synaqtary sättı ötkenın mälımdedı
