Resei äskerlerı basyp alǧan Ukrainanyŋ Herson oblysynyŋ Kiselevka auylynda Buriatiia men Şeşenstannan kelgen äskeriler arasynda atys boldy. Būl turaly Ukraina qorǧanys ministrlıgınıŋ bas barlau departamentı mälımdedı, dep habarlaidy “Adyrna” ūlttyq portaly.
«Ūltaralyq qaqtyǧys sebepterı buriattardyŋ şabuyldau äskeri qimyldaryn jürgızuge daiyn emestıgı men jaǧdaidyŋ şeşen küşterı men «teŋ emes» ekenınde. Qadyrov äskerı maidan şebıne müldem barmai, tek tylda qalady. Olardyŋ mındetı – basqa bölımşelerdı belsendı äreketterge şaqyru, şegınuge tyrysqandarǧa aşyq oq atu» delıngen Ukraina Qorǧanys ministrlıgınıŋ Bas barlau basqarmasynyŋ resmi telegram-kanalynda.Al ekınşı sebep – Şeşenstannan kelgen qūrama jauyngerler oljanyŋ köp bölıgın berudı talap etkende, oljanyŋ bırkelkı bölınbeuı. Sonymen qatar, Ukrainany Reseidıŋ äskeri agressiiasynan qorǧaǧan şeşen erıktı jasaqtarynyŋ bırınıŋ jauyngerı Qadyrovtyŋ äskerlerı men basqynşylar arasyndaǧy qaqtyǧystar turaly aitty. Sonymen bırge oljany böluge qatysty janjaldy jaǧdailar «taza reseilık oblystardan» kelısımşart boiynşa sarbazdar qyzmet etetın bölımşeler arasynda da oryn alady. Ukrainadaǧy soǧys aimaǧynda jürgen «Sova» ukraindyq sarapşylar tobynyŋ jetekşısı, professor Mihail Savva Qadyrov äskerı men basqa reseilık äskeriler arasyndaǧy bırınşı qaqtyǧys emes ekenın aitty.
«Nauryz aiynyŋ basynda-aq Şeşenstannan kelgen bölımşeler basqa bölımşeler üşın tosqauyldyq jasaq retınde äreket etıp jatqany turaly aqparat paida boldy. Al Qadyrovtyŋ adamdary Kiev oblysynda onnan astam reseilık jaralanǧandardy evakuasiialamaǧan oqiǧa boldy. Bırqatar oblystarda Qadyrov bölımşelerı ūrys qimyldarynyŋ bırınşı şebıne qatyspaidy. Rölderdıŋ mūndai bölınuı olarǧa basqa reseilık qūrylymdar müşelerınıŋ öşpendılıgın tudyrady» dedı professor Savva.Sarapşy jalǧasyp jatqan qaqtyǧystardy resmi türde ūlttyq qaruly qūramalar joq. Bıraq ıs jüzınde kelısım-şart boiynşa sarbazdardy alu öz aimaqtarynda jüzege asyrylatyn Resei äskerındegı jüielı mäselenıŋ körsetkışı dep atady. Sonyŋ saldarynan şeşen, buriat jäne t.b. ūlttyq qūrylymdar paida bolady.
“Adyrna” ūlttyq portaly
Ūqsas jaŋalyqtar
