AQŞ prezidentı Djo Baiden ekı qylmystyq ıs boiynşa kınälı dep tanylyp, ükımın kütıp otyrǧan ūly Hanter Baidenge raqymşylyq jasady, dep habarlaidy «Adyrna» tılşısı BBC arnasyna sılteme jasap.
«Qyzmetımnıŋ bırınşı künınen-aq ädılet ministrlıgınıŋ şeşımderıne aralaspaitynymdy aitqan edım. Ūlymnyŋ ädıletsız qudalanyp jatqanyn körsem de, men öz sözımde tūrdym», — dedı ol.
Mausymda alqabiler 54 jastaǧy Hanter Baidendı 2018 jyly qaru satyp alu kezınde özınıŋ esırtkıge täueldı ekenın jasyryp, jalǧan mälımet bergenı üşın kınälı dep tanyǧan edı. Būl AQŞ tarihyndaǧy prezidenttıŋ balasy qylmys jasaǧany üşın sottalǧan alǧaşqy jaǧdai boldy.
Qyrküiekte Hanter Baiden salyq töleuden jaltarǧanyn moiyndady. Oǧan 2016–2019 jyldar aralyǧyndaǧy 1,4 million dollar kölemındegı salyqty tölemedı degen aiyp taǧyldy. Osy qylmys üşın ol 15 jylǧa deiın bas bostandyǧynan aiyryluy mümkın edı.
1 jeltoqsan künı keşke jariialaǧan mälımdemesınde Djo Baiden ūlynyŋ soty «saiasatpen lastanǧanyn» jäne sol üşın zaŋsyz şeşımdermen aiaqtalǧanyn jetkızdı.
«Men būl şeşımdı qabyldaǧan kezde, ony keiınge qaldyrudyŋ qajetı bolmady. Amerikalyqtar äke men prezidenttıŋ nege mūndai şeşımge kelgenın tüsınedı dep ümıttenemın»,— dedı basşy.
Hanter Baidenge ükım 12 jäne 16 jeltoqsanda şyǧarylady dep josparlanǧan bolatyn. Ekınşı jaǧdaida 2016-2019 jyldary 1,4 million dollar kölemınde salyq töleuden jaltarǧany üşın ol 15 jylǧa deiın bas bostandyǧynan aiyryluy mümkın edı.
Aita keteiık, Djo Baiden tuysqanyna raqymşylyq jasaǧan alǧaşqy AQŞ prezidentı emes. 2001 jyly Bill Klinton 1985 jyly kokain saqtaǧany üşın sottalǧan özınıŋ tuǧan aǧasy, akter jäne muzykant Rodjer Klintonǧa raqymşylyq jasaǧan bolatyn.
