Memleket basşysy Qasym-Jomart Toqaev Qytai Halyq Respublikasynyŋ Qazaqstandaǧy elşısı Chjan Siaony qabyldady. Būl turaly bügın, 2 jeltoqsanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Äŋgımelesu barysynda prezident Qazaqstan men Qytaidy ǧasyrlarǧa ūlasqan berık dostyq pen tatu körşılık qatynastar bailanystyratynyn atap öttı. Qasym-Jomart Toqaevtyŋ pıkırınşe, özara senım men qūrmetke negızdelgen tiımdı yntymaqtastyqtyŋ nyǧaiuyna ekı tarap ta üles qosyp keledı.
Memleket basşysy bügınde Qazaqstan men Qytaidyŋ yqpaldastyǧy qarqyndy ärı san qyrly sipat alǧanyn aitty. Ekı el arasynda belsendı saiasi dialog qalyptasty, sauda-ekonomikalyq ärıptestık örkendedı, mädeni bailanystar jandandy jäne bılım beru baǧdarlamalary men ǧylymi jobalardyŋ sany artty. Qauıpsızdık salasynda, äsırese, «üş zūlym küşke» qarsy küres baǧytynda tyǧyz yntymaqtastyq ornaǧan. Būdan bölek, elderımızdıŋ BŪŪ, ŞYŪ, AÖSŞK aiasyndaǧy, sondai-aq «Ortalyq Aziia – Qytai» formatyndaǧy halyqaralyq bailanystary belsendı örbıp keledı. Prezidenttıŋ aituynşa, Qazaqstan men Qytai tatu körşılık qarym-qatynastyŋ naǧyz ülgısın körsetıp otyr.
Öz kezegınde Qytai elşısı Chjan Siao Qasym-Jomart Toqaevqa alǧys aityp, Beijıŋnıŋ jan-jaqty strategiialyq serıktestıktı odan ärı damytuǧa beiıl ekenın rastady.
Memleket basşysy Chjan Siaonyŋ qazaq-qytai dostyǧyn tabysty damytuǧa, memleketaralyq bailanystardy tereŋdetuge qosqan ülesın joǧary baǧalap, II därejelı «Dostyq» ordenımen marapattady.
Aita ketu kerek, Qazaqstanda Chjan Siaonyŋ qyzmetı bıryŋǧai maqtauly bolǧan emes. 2020 jyly Qazaqstan Syrtqy ıster ministrlıgı Qytaidyŋ Qazaqstandaǧy elşısı Chjan Siaony şaqyrtyp, qytailyq www.sohu.com saityndaǧy «Qazaqstan nege Qytaiǧa oraluǧa tyrysady» atty maqalaǧa qatysty narazylyq bıldırgen bolatyn. «Qytai elşısıne mūndai sipattaǧy maqalanyŋ jariialanuy 2019 jylǧy 11 qyrküiekte Memleket basşylary qol qoiǧan Qazaqstan Respublikasy men Qytai Halyq Respublikasynyŋ bırlesken mälımdemesınde aiqyndalǧan mäŋgılık jan-jaqty strategiialyq ärıptestık ruhyna säikes kelmeitındıgı atap ötıldı»,- dep degen sonda Syrtqy ıster ministrlıgı. Bır eskeretını, Siaonyŋ özı dauly mälımdemelerımen jäne jergılıktı baspasöz ökılderıne qarsy agressiiasymen tanymal. Chjan Siao 1964 jyly jeltoqsanda Qytaidyŋ Guandun provinsiiasyndaǧy Sinnin qalasynda düniege kelgen. 1987-1988 jyldar aralyǧynda Qytai Halyq Respublikasy Syrtqy ıster ministrlıgı hattama departamentınıŋ qyzmetkerı; 2014-2017 jj – Qytaidyŋ Resei Federasiiasyndaǧy elşılıgınıŋ ökılı; 2001-2003 jj – Qytaidyŋ Belarus Respublikasyndaǧy elşılıgınıŋ keŋesşısı; 2017-2018 jj – Qytai Halyq Respublikasy Syrtqy ıster ministrlıgınıŋ Europa jäne Ortalyq Aziia departamentınde jūmys ısteidı (departament direktory deŋgeiınde); 2018 jylǧy 31 tamyzdan bastap Qytai Halyq Respublikasynyŋ Qazaqstan Respublikasyndaǧy Tötenşe jäne Ökılettı Elşısı.
