Memleket basşysy «Adam saudasyna qarsy küres turaly» QR Zaŋyna qol qoidy. Zaŋda qūl eŋbegın qanau, jynystyq tiıspeuşılık, qaiyrşylyq, adamdardy qaruly topqa paidalanu, erıksız neke, aǧzalardy saudalau, asyrap alu jeleuımen närestenı şetelge satuǧa jol bermeu syndy azamattardyŋ qūqyqtaryn jüzege asyru közdelgen.
Atalmyş zaŋdy şetel azamattaryn jūmyspen qamtyp otyrǧan käsıpkerlık jäne şaruaşylyq ielerıne tüsındıru, sondai-aq adam saudasy, esırtkı, alaiaqtyq qylmystardyŋ aldyn alu maqsatynda Batys Qazaqstan oblysyna qarasty Bäiterek audandyq ışkı saiasat bölımınıŋ tapsyrysy boiynşa «adam, esırtkı saudasynyŋ aldyn alu maqsatyndaǧy ıs-şaralardy ūiymdastyru jäne ötkızu» jobasy şeŋberınde reid jūmystaryn jürgızdı.
Adam saudasymen küres, esırtkı zattaryn satudyŋ aldyn alu jäne «Alaiaqtardan saq bolyŋyz!» taqyrybynda atalǧan mäselemen betpe-bet kelgen azamattar habarlasa alatyn jedel jel telefondary, qūqyq qorǧau qūrylymdarynyŋ mekenjaiy körsetılgen 1 000 dana broşiura taratyldy. Bäiterek audandyq köşı-qon polisiiasynyŋ mälımetıne süiensek, qazırgı taŋda Bäiterek audany boiynşa 1 137 şetel azamaty jūmysqa tartylǧan. Onyŋ ışınde Priural aumaǧynda 756, Peremetnyi baǧytyndaǧy auyldarda 381 adam tırkelgen. Is-şara barysynda egın şaruaşylyǧymen ainalysatyn «Urojai», «Artur», «Kujaev», «Pogodaev», «Jaŋa älem» şarua qojalyqtary men Asan auylynda tasqynnan zardap şekkenderge arnalǧan üi qūrylysyn jürgızıp jatqan «Urazbaeva» jeke käsıpkerlıgı tekserılıp, jūmysşylardyŋ eŋbegıne sai uaqtyly jalaqy aluy, tūrǧyn üi, tamaqpen qamtamasyz etıluı, täulıktegı jūmys uaqytynyŋ saqtaluy jäne qūjattary tekserıldı. Şetel azamattarynyŋ qūjattarynan zaŋbūzuşylyq anyqtalmady. Olardyŋ tarapynan jūmys beruşılerge şaǧym tüspedı.
Mausymdyq jūmystardaǧy ai saiynǧy ailyqtary 400-500 dollardy qūraidy. Jūmys künı 8 saǧattan aspaitynyn aitady.
Aita ketu kerek, şetel azamattarynyŋ müddesı QR «Halyqtyŋ köşı-qon turaly» Zaŋymen jäne eŋbek qūqyqtary QR «Eŋbek kodeksımen» retteledı. Sondai-aq eger atalǧan derekterge qatysty zaŋsyzdyqtar tırkelse polisiia jäne migrasiia qyzmetı zaŋ aiasynda şūǧyl şara qabyldap, qylmystyq kodekstıŋ adam eŋbegın zaŋsyz qoldanu baby boiynşa tergeu amaldaryn jürgızedı. Audandaǧy şeteldık azamattar şarua qojalyqtaryndaǧy mausymdyq jūmystar men qūrylys salasyna köptep tartylǧan. ŪQK qyzmetkerlerı şetel azamattarynyŋ qandai dın ūstanatyny, onyŋ ainalasyna äserı baǧytynda jūmystar jüretının, QR QK 174 baby (ūlttyq, äleumettık, rulyq, dıni, näsıldık alauyzdyqty qozdyru) jäne 258 baby (terroristık nemese ekstremistık qyzmettı qarjylandyru) boiynşa profilaktika ötkızılgenın aitady.
