Adam saudasy mäselesı bükıl älemde özektı jäne esırtkı men ony satudan keiıngı qylmystyq kırıs kölemı boiynşa üşınşı orynda tūr.
Qazırgı qūldyq faktılerı bızdıŋ elde de tırkelgen. Qazaqstanda jyl saiyn ışkı ıster organdary osyndai 150-ge juyq qylmysty anyqtaidy. Elımızde adam saudasyna qarsy küres turaly zaŋ boiynşa jūmys ekı jyldan berı jürgızılıp keledı. Qūjatqa engızılgen normalar men tüzetulerdı talqylauǧa 50-den astam sarapşy qatysty. 100-den astam otyrys ötıp, olardyŋ ärqaisysynda zaŋ jobasynyŋ ärbır tarmaǧy mūqiiat qaraldy. Äzırleuşılerdıŋ aituynşa, jaŋa qūjat adam saudasy qūrbandarynyŋ barlyq qoldanystaǧy qūqyqtaryn jäne olarmen jūmys ısteu algoritmın qarastyrady.
«Ortalyq Aziia öŋır retınde köşı-qon prosesterıne öte täueldı. Köşı-qon dinamikasy öte belsendı, mūnda bız aimaqtaǧy, onyŋ ışınde Qazaqstandaǧy kem degende 5-6 million migrant turaly aityp otyrmyz. Ärine, mūndai kezde adam saudasy qūbylysy da keŋ taraǧan. Bız mūnda jynystyq qanaumen qatar eŋbek qanauyn qosa alǧandaǧy ürdıstı körıp otyrmyz. Mamandar zaŋnyŋ qabyldanuy jeke tūlǧaǧa qarsy qylmyspen küreste jasalǧan ülken qadam ekenın aitady. Būl adam saudasymen tiımdı küresuge mümkındık berıp qana qoimaidy, eŋ bastysy, köşede jaibaraqat jürıp, adal eŋbek etıp, eşnärseden qoryqpai jürgen ärbır adamǧa jeke qauıpsızdıktı sezınuge yqpal etedı»,- halyqaralyq köşı-qon ūiymy missiiasynyŋ jetekşısı Zeinal Gadjiev.
Qazaqstanda jynystyq qanau, eŋbekke jegu, küştep qaiyr sūrau jäne bala asyrap alu maqsatynda satu, jaŋa tuǧan närestelerdı satu siiaqty adam saudasyna qatysty qylmystyq ıs tırkelgen. Osyǧan orai, jaŋa zaŋ jobasy azamattardy zaŋsyz qanauǧa tartu ädısterın qamtityn «adam saudasy» anyqtamasyn keŋeitedı. Būl qorqytu nemese küş qoldanu, adam ūrlau, alaiaqtyq, aldau, bilıktı asyra paidalanu jäne para alu. Qalbyldanǧan zaŋ aiasynda qūqyq qorǧau organdary atalǧan ısterdıŋ barlyǧy boiynşa qylmystyq ıs qozǧauǧa mümkındık tudy.
