Almatyda 21 jastaǧy jıgıttı jūmys ornynda jük liftı basyp qalyp, oqiǧa ornynda qaza tapty, dep habarlaidy "Adyrna" ūlttyq portaly KTK telearnasyna sılteme jasap.
Qaiǧyly oqiǧa logistikalyq kompaniianyŋ jeke qoimasynda oryn alǧan. Būl jūmysqa ol jaqynda ǧana ornalasqan. Onyŋ naqty lauazymy jariialanbady.
Aldyn ala mälımetterge süiensek, lift şahtasynda dänekerleu jūmystaryn jürgızıp jatqan kezde oǧan jük liftı qūlap ketken. Jıgıt alǧan jaraqattarynan oqiǧa ornynda qaitys boldy. Jūmys beruşıler tüsınıkteme beruden bas tartty.
Polisiia eŋbek qauıpsızdıgı erejelerın būzu faktısı boiynşa qylmystyq ıs qozǧaǧanyn mälımdedı.
"Eŋbek qauıpsızdıgı erejelerın būzu faktısı boiynşa Türksıb audany polisiia basqarmasy qylmystyq ıs qozǧady. Adam ölımınıŋ sebebın anyqtau üşın sot-medisinalyq saraptama taǧaiyndaldy. Tergeu ıs-şaralary jürgızılude," – dep mılŋmdedı Almaty qalasy Polisiia departamentınıŋ resmi ökılı Saltanat Äzırbek.
Ūqsas jaŋalyqtar
