Elbasy Nūrsūltan Nazarbaev «Auyl – el besıgı» arnaiy jobasy auyldyq eldı mekenderdı damytuǧa baǧyttalǧan bıregei bastama. Onyŋ üstıne Memleket basşysy Qasym-Jomart Toqaevtyŋ Joldauynda da atalǧan joba aiasyndaǧy jūmystardy küşeitu tapsyryldy.
Bügınde joba aiasynda oblystaǧy Baizaq, Jambyl, Şu audandarynyŋ ortalyqtarynda 108 joba ıske asuda. Būl baǧytta 2 milliard 77 million teŋge qarastyrylǧan. Onyŋ 104 jobasy äleumettık, tūrǧyn-üi kommunaldyq şaruaşylyǧy, kölık infraqūrylymdary nysandaryn jöndeu boiynşa, qalǧan 4 jobasy äleumettık nysandar qūrylysyn jürgızuge arnalǧan. Qazırgı taŋda 31 nysan tolyqtai salynyp bıttı.
«Prezidentımız 2020-2024 jyldarǧa osy «Auyl – el besıgı» jobasyn qarjylandyrudy üş esege köterıp, auyldyq eldı mekenderdı qamtu sanyn arttyruǧa baǧyttap otyr. Respublika tarapynan 373 eldı mekennıŋ qazırgı öŋırlık standarty äzırlendı. Sol öŋırlık standartqa säikestendıru jūmystary bastalyp kettı. Osy säikestendıru baǧytynda bızde 62 tırektı eldı mekender taŋdalyp alyndy. Aldaǧy uaqytta olardy qarjylandyruǧa baǧyttaityn bolamyz», - deidı oblystyq ekonomika jäne biudjettık josparlau basqarmasynyŋ basşysy Güldana Jauynbekova.
Al, 2020 jylǧa osy oraida oblysqa 2 milliard teŋge kölemınde qarjy limitı belgılenıp, oǧan Qordai, Merkı, Saudakent auyldarynda 53 jobany jüzege asyru josparlanuda.
Jalpy «Auyl – el besıgı» jobasy auyldardyŋ ärın keltırıp, boiyna qan jügırtıp jatyr. Mysaly Baizaq audanynyŋ äkımı Rahmatıldä Rahmanberdievtıŋ aituynşa, atalǧan joba audanda sättı jüzege asyrylyp jatyr. Atap aitqanda, «Auyl — el besıgı» jobasy boiynşa Sarykemer auylynda barlyǧy 948,0 mln. teŋgege 29 joba qarjylandyrylǧan.
Onyŋ ışınde köşelerdı jaryqtandyruǧa 372,6 mln. teŋge (4 joba), bılım nysandaryn kürdelı jäne aǧymdaǧy jöndeuge 241,3 mln. teŋge (3 joba), densaulyq saqtau salasy nysandaryn kürdelı jäne aǧymdaǧy jöndeuge 93,9 mln. teŋge (2 joba), sport nysandaryn kürdelı jäne aǧymdaǧy jöndeuge 72,4 mln. teŋge (4 joba), mädeniet salasyna 52,5 mln. teŋge (5 joba), joldardy jöndeuge 108,0 mln. teŋge (10 joba) jäne jūmyspen qamtu ortalyǧynyŋ ǧimaratyn aǧymdaǧy jöndeuge 7,2 mln. teŋge (1 joba) bölıngen.
Qazırgı taŋda 29 jobanyŋ 18 jobasynyŋ jeŋımpazy anyqtalyp, 14 joba boiynşa jūmys bastaldy. Būdan bölek, auyldyqtardyŋ densaulyǧyn saqtau şaralaryna da basa nazar audarylyp keledı. Qazırgı taŋda audanda medisinalyq qyzmet sapasy jäne auyldyq jerlerde alǧaşqy medisinalyq-sanitariialyq kömektıŋ qoljetımdılıgın qamtamasyz etu mındetı tūr.
«ADYRNA»
ūlttyq portaly
