Qara küşpen önerdı qosaqtaǧan qūdıret bolsa ol ūlt ruhy. Älem elderıne äleuıtın äigı etude qūr jeŋıstıŋ älsız qaru bolaryn ūltşyl ūlt jaqsy ūǧady. Alǧan altyny asyl önerımen astaspasa mänın joǧaltaryn sezedı. Biık tūǧyrǧa şyqqan tūlǧanyŋ bolmysynan ūlt beinesı aŋdalsa jeŋıstıŋ özın jeŋgenı de. Qazeqemde mūny äste qalaqaidai dünie körmegen-dı. Sodan da mūz üstınde qazaq önerınıŋ otyn mazdatyp keledı.
Būl joldyŋ şüu basyn Denistıŋ döŋgeletıp bergenın bıreu bılse, bırı bılmes. Sochidegı Olimpiada oiyndarynan bır jyl būryn «Denis jäne onyŋ dostary» mūz qoiylymy jaryqqa keldı. Sonan berı qazaqtyŋ än-küiı mūz şyqyryna äuezdı yrǧaq qosyp keledı.
2014 jyly qolany qanjyǧasyna bailaǧan törtkül doda da asylymyzdy küllı älemge paş etkenı, üştıkke ılıngen jeŋısınen de ystyq. Jarys aiaqtalysymen öter qoiylym keşte «qolany alǧan qazaq pa?» degen taŋdanysqa Er Tūrannyŋ «Tolǧauymen» toqsan auyz sözdıŋ tobyqtai tüiının qoiǧany bar. Mıne, öner men küştıŋ qosarlanǧany. Qazaq mädenietınıŋ ūl bolmysynan aişyqtylǧany da būl.
Baluan Şolaq atyndaǧy Sport saraiynda ötken qoiylym keşınde mūz jūldyzymyz 2015 jylǧa tarihi sättı taŋbalaǧan edı. Jarǧaq qūlaǧy jastyqqa timeitın janküierler men şetten kelgen ataqty sportşylar qazaqtyŋ ūlttyq kiımımen önerın örnektegenın tarih taǧylymy demei ne dersıŋ?!
Sondaǧy Denistıŋ jürekjardy lebızı:
«Būl naǧyz tarihi sät. Tarihty bız sızdermen bırge jasaimyz. Bas maqsūtym– qazaq elınıŋ atyn şyǧaru, qazaqtyŋ mänerlep syrǧanauyna älemnıŋ qyzyǧuşylyǧyn oiatu. Qazaq elınıŋ mädenietın älemge tanytqym keledı. Sol jolda eşqaşan aianyp qalmaimyn».
Ūlt bolmysyn sıŋırse qai närse de ölmek emes, mäŋgı jasaidy! Ruhymyzdy asqaqtatqan Denis bolsa, qazaq dep alqynǧan tamyr soqqysyn sezdırgen mondanaqtai aruymyz taǧy bar.
Ūly önerımızben ūlttyŋ ruhyn kötergen Aiza İmambekova. 2017 jylǧy qysqy universiada da Almatynyŋ qaq törın dübırge bölegen. Denis Ten qazaq äuenın qoiylym keşke alyp şyqty, al Aiza ataqty «Köroǧly» küiımen saiysqa tüstı. Sonda talai sarapşylardy küi yrǧaǧy täntı etken.
Aizanyŋ sözınşe, äuelde qazaq küilerıne baǧdarlamalardy syrǧanau äkesınıŋ oiy bolǧan. Bala kezınen qazaq şyǧarmalaryna syrǧanaǧan. Keiın būl dästürge ainalǧan.
2020 jylǧy mausymda Ūlytaudyŋ «Jūmyr-qylyş» äuenımen qazaq mädenietın tanyta tüstı. «Men mūzǧa şyqqan da elım üşın patriottyq sezım oianady»,- degen Aiza qaşanda ūlttyq naqyşty äspettep keledı.
Qazaqtyŋ bişı jūby Gauhar Nauryzova men Boinsagur Datiev erkın baǧdarlamasyn naqyşty qazaq äuenımen qūraǧan. Älemdık aidynda «Aqsaq Qūlan» küiımen öner körsetıp, el mädenietın tanytyp keledı.
Qazaq mädenietın qabyldaǧan aq aidyn
Mūzdaǧy būralaŋ qimylǧa är beretının qazaq äuenı älemge moiyndatty. 2022 jylǧy Pekin Olimpiadasynda Latviialyq Denis Vasilev Abai Qūnanbaevtyŋ «Aittym sälem, Qalamqas» änıne bilep üzdıkter qataryna kırdı. Abaidyŋ änımen tört qūrlyq bırınşılıgın de qolany enşılegenı taǧy bar. Onyŋ jattyqtyruşysy – qazaqstandyq mänerlep syrǧanauşy Denis Tennıŋ dosy Stefan Lambel. Sporttaǧy mädeni yntymaqtastyq degen osy bolar sırä da!
Mūz aidyndy baǧyndyrǧan, Olimpiada jeŋımpazdary Anna Şerbakova, Roman Kostomarov, Evgeniia Medvedeva, Tatiana Totmianina, Tarasova men Morozov jūby Dimaş Qūdaibergennıŋ oryndauyndaǧy ändermen öner körsetken. Mūndai ürdıspen qazaq äuenı menmendep tūrǧan batys şyǧarmaşylyǧynan asyp tüserı haq! Aiza Mambekovanyŋ sözıne süiensek, küilerdıŋ mūz üstınde endı ǧana qoiylyp kele jatqanyna qazaq folklorynyŋ aluandyǧy men qoiylym qoiudyŋ qiyndyǧy sebep. Rasynda, qazaqtyŋ şyǧarmaşylyǧy kürdelı, ony mūz üstınde sezımmen oryndap şyǧu kez-kelgennıŋ qolynan keletın dünie emes!
Älemdegı ozyq elderdıŋ mädenietın äspetteuge septeskennıŋ bırı ol – sport. Aq üstınde küş pen önerdı egız etken eldıŋ tarihy mäŋgı jasaidy.
Mūz aidynda qazaq mädenietı mülgımesın!
