Osy jyldyŋ 6 jeltoqsan künı Almaty Ortalyq meşıtınde alǧaş ret jūma namazyna keluşıler meşıt aulasyna syimai qaldy. Paryz namazy bastalǧanǧa deiın meşıt qyzmetkerlerı jamaǧatty meşıt aulasyna ornalastyrǧan. Alaida, paryz namazy bastalǧan soŋ meşıttıŋ oŋ jaq bölıgı iaǧni, M.Mämetova köşesınıŋ bır bölıgınde 5 minuttyq qūlşylyq paryzyn öteu oryn alǧan. Saldarynan köşe keptelısı paida boldy, dep habarlaidy "Adyrn" ūlttyq portaly.
Oqiǧaǧa qatysty Almaty Ortalyq meşıtınıŋ baspasöz qyzmetı mälımdeme jasady.
"Qūrmettı jūma namazyna keluşı jamaǧat! Paiǧambarymyz (s.ǧ.s.) jetı jerde namaz oquǧa tiym salǧan. Olar: qoqys jinalǧan jerde, mal soiatyn orynda, qabır basynda, joldyŋ üstınde, monşada, mal suarylatyn orynda jäne qaǧbanyŋ üstınde. Jol üstınde namaz oqudan tiym saluynyŋ basty sebebı, jol qozǧalysyna kedergı keltırmeu bolyp tabylady. Ol köşemen jedel järdem kölıgı, ört söndıru kölıgı nemese jūmysyna asyqqan adam jüretını belgılı. Sondyqtan 5 minutqa köşenı jauyp namaz oqu qanşama ūzyn-sonar köşe köptelısın tuyndatady. Jūma namazyn oqu kezınde joldy jauyp, basqa adamdarǧa ziian tigızuge bolmaidy. Sol sebeptı, barşaŋyzdy namazǧa erterek kelıp, tiıstı körsetılgen oryndarǧa jaiǧasudy, joldardy jappaudy, kölıkterdı de dūrys orynǧa qoiudy, talap pen tärtıptı qataŋ saqtaularyŋyzdy sūraimyz", - dep jazylǧan baspasözdıŋ taraǧan habarlamasynda.
