6 qaraşada Özbekstan prezidentı Şavkat Mirziioev Konstitusiia künıne orai «Jazasyn ötep jatqan, ıstegen ısıne ökınetın jäne ömırın özgertuge bet alǧan adamdar tobyna raqymşylyq jasau» jarlyǧyna qol qoiǧan bolatyn. Osylaişa biyl prezident raqymşylyq jasaǧan azamattar sany 1431 adamǧa jettı, dep habarlaidy «Adyrna» tılşısı Fergana.news-ke sılteme jasap.
Künı keşe qabyldanǧan jarlyqqa sai, 483 adamǧa raqymşylyq jasaldy. Olardyŋ ışınde 107 sottalǧan negızgı jazasyn öteuden tolyq bosatylsa, 275 adam merzımınen būryn şartty türde bostandyqqa şyǧady. Odan bölek, 7 adamnyŋ jazasy jeŋıldetılıp, bas bostandyǧynan aiyrylǧan 94 azamattyŋ merzımderı qysqardy.
Raqymşylyqqa ılıngenderdıŋ ışınde 18 şeteldık, 23 äiel, 60 jastan asqan 15 er adam men tyiym salynǧan ūiymdardyŋ qyzmetıne qatysqan 88 adam bar.
«Būl - elımızde jürgızılıp jatqan gumanizm saiasatynyŋ jäne halqymyzdyŋ meiırımdılık pen janaşyrlyq syndy asyl qasietterınıŋ jarqyn körınısı»,—dedı Şavkat Mirziioev.
