Atyrau mūnai öŋdeu zauyty (AMÖZ) 2024 jylǧy öndırıstık, qarjylyq jäne ekologiialyq qyzmetın qorytyndylaidy. Käsıporyn tiımdılık pen tūraqtylyqtyŋ joǧary deŋgeiın körsetudı jalǧastyryp keledı, dep habarlaidy zauyttyŋ baspasöz qyzmetı.
2023 jylmen salystyrǧanda zauyt öndıretın ekı önım kölemınde aitarlyqtai ösım bar. Aitalyq, sūiytylǧan mūnai gazy öndırısınıŋ kölemı 2023 jylmen salystyrǧanda 6322 tonnaǧa artyp, qaraşa aiynda 23 080 tonnaǧa jetse, aviakerosin öndırıs 57 paiyzǧa ösıp, 23 848 tonnany qūrady. Al mūnai öŋdeudıŋ biylǧy 10 aidaǧy kölemı 4 583 407 tonna şikızatty qūrap, ötken jylǧy säikes kezeŋnen 57 336 tonnaǧa artyq boldy.
Būl rette 2024 jyldyŋ tamyz – qaraşa ailarynda otyn şyǧynynyŋ naqty körsetkışterı 8,45 – 9,80 paiyzdy qūrady, būl normativtık deŋgeiden edäuır (12,47-14,5%) jäne 2023 jyldyŋ ūqsas kezeŋımen salystyrǧanda 1-4%-ǧa tömen.
"AMÖZ operasiialyq şyǧyndardy oŋtailandyrudy jalǧastyruda. 2024 jylǧy 10 aida şyǧyndar 22%-ǧa tömendep, josparlanǧan 150,6 mlrd teŋgenıŋ ornyna 117,4 mlrd teŋgenı qūrady. Jöndeuge, materialdarǧa jäne ekologiialyq şyǧyndarǧa ünemdeu säikesınşe 59%, 20% jäne 75%-ǧa teŋ boldy. Mūnai öŋdeuge jūmsalatyn ülestık şyǧyndar bır tonnaǧa 54 887 teŋgege deiın tömendedı (boljamnan 11 125 teŋgege tömen)", – delıngen kompaniianyŋ baspasöz qyzmetınıŋ habarlamasynda.
Atyrau mūnai öŋdeu zauyty ekologiialyq körsetkışterın jaqsartu boiynşa jūmystardy da jalǧastyryp jatyr. Onyŋ körsetkışterı tömendegıdei:
- Lastauşy zattardyŋ şyǧaryndylary 11,9%-ǧa (1053 tonnaǧa) azaidy.
- Aǧyndy sulardyŋ tögındılerı 68 tonnaǧa azaityldy, būl qondyrǧylardy qaita qūrudyŋ nätijesı boldy.
- Tazartu qūrylystaryn jaŋǧyrtudyŋ arqasynda qaldyqtar kölemı 39%-ǧa qysqardy.
- Parniktık gazdar şyǧaryndylary 20 509 tonnaǧa (1,5%) azaidy.
Qazırgı taŋda Atyrau mūnai öŋdeu zauytynda 2525 adam jūmys ısteidı. Olardyŋ 43 paiyzy – 35 jasqa deiıngı jastar. Eŋbek jaǧdailaryn jaqsartu şaralarynyŋ arqasynda 2024 jyly kadrlardyŋ tūraqsyzdyǧy 2,31%-ǧa deiın tömendegen
"Josparly-aldyn alu jöndeu aiasynda 2024 jyly 15 tehnologiialyq qondyrǧy sättı jaŋartyldy. Jöndeu jūmystary kesteden būryn aiaqtaldy, būl joǧary oktandy benzinder öndırısın tezırek qalpyna keltıruge mümkındık berdı. PEP Solomon baǧdarlamasy aiasynda operasiialyq tiımdılıktı arttyruǧa baǧyttalǧan 24 ūsynys ıske asyryldy. Jaŋa täsılderdı engızudıŋ ekonomikalyq äserı jylyna 1,5 mlrd teŋgeden astamdy qūrady. Atyrau mūnai öŋıdeu zauytynyŋ ozyq tehnologiialardy engızuı, qorşaǧan ortaǧa äserdı azaituy jäne tūraqty öndırıstı qamtamasyz etuı onyŋ saladaǧy jetekşı käsıporyndardyŋ bırı ekenın rastaidy", – delıngen baspasöz habarlamasynda.
