Polisiia Talǧarda 8 jeltoqsan künı mürdesı tabylǧan Nūrǧanat Ǧaiypbaev özbekstandyq kelınşekpen azamattyq nekede bırge tūryp jatqany jaily mälımet taratty,dep habarlaidy “Adyrna” ūlttyq portaly.
Bandylardyŋ pyşaq jaraqatynan qaitys bolǧan Şerzat Polattyŋ nemere aǧasy Nūrǧanat Eŋbekşıqazaq audandyq auruhanasynda jūmys ıstegen. Jedel järdem qyzmetınde jūmys ıstegen Ǧaiypbaev soŋǧy kezderı jūmyssyz jürgen. Talǧar tragediiasynan keiın bos jürgen ol beiıttıŋ janyna özınıŋ kölıgımen barǧan.
Polisiia men jedel järdem oqiǧa ornyna jetkende Nūrǧanat jerde arqasymen jatqan. Al onyŋ janynda kabel tūrǧan. Marqūmnyŋ mürdesın polisiiadan tuystary tapqan.
"Ol Belbūlaq auylyndaǧy"Tengri Park" kottedj qalaşyǧynda tūrǧan. Äielı Dilfuza esımdı Özbekstan azamatşasy. Balalary joq, qazırgı sätte jūmyssyz. Būryn Eŋbekşıqazaq audandyq jedel järdem qyzmetınde feldşer bolǧan", - delıngen polisiianyŋ sipattamasynda.
Polisiianyŋ soŋǧy ölım kezınde marqūmnyŋ jeke mälımetterın taratuy qoǧam nazaryn audartyp otyr. Būdan aldyn polisiia Nūrǧanattyŋ soŋǧy habarlamasy boluy mümkın derekterdı taratqan.Eske salaiyq, 8 jeltoqsan künı Şerzattyŋ 30 jastaǧy nemere aǧasy Nūrǧanat Ǧaiypbaev ölı tabyldy. Ol 4 qazan künı Talǧarda oryn alǧan tragediianyŋ kuägerı, töbelestıŋ bel ortasynda bolǧan. Inısın pyşaqtaǧan bandalyq toptyŋ aiausyz äreketterın közımen körgen jäne özı de jaraqat alǧan.
