Parlament deputattary müddelı memlekettık organdarǧa bıryŋǧai uaqyt beldeuı mäselesıne qatysty ǧylymi-zertteu jūmysyn aldaǧy jyldyŋ nauryz aiyna deiın aiaqtaudy tapsyrdy. Būl turaly Mäjılıs Spikerı, «AMANAT» partiiasynyŋ Töraǧasy Erlan Qoşanov Ükımet müşelerınıŋ qatysuymen ötken fraksiianyŋ keŋeitılgen jiynynda aitty.
Belsendı pıkır almasu barysynda Mäjılıs deputattary Ükımet müşelerıne bıryŋǧai uaqyt beldeuın engızuge qatysty azamattardy tolǧandyrǧan özektı saualdardy jetkızdı. Atap aitqanda, mäjılısmen J. Äşımjanov Almaty oblysynyŋ, Jetısu oblysynyŋ jäne özge de öŋırlerdıŋ tūrǧyndarynan deputattyq korpus atyna kelıp tüsken köp ötınışke nazar audardy. Deputat E. Sairov üilesımdı qoǧam qūru üşın Parlament pen Ükımettıŋ osy mäsele boiynşa bırtūtas ūstanymy boluǧa tiıs ekenın mälımdedı. Deputat Iý. Kuchinskaia mūndai mäsele Ükımet qaulysy deŋgeiınde şeşılmei, zaŋ deŋgeiınde retteluı kerek degen pıkır bıldırdı.
Deputattar R. Zaitov, Ū. Tumaşinov, N.Sabilianov, E. Jaŋbyrşin, B. Näjımetdinūly, N. Dementeva, D. Mūqaev jäne taǧy da basqalar öz oi-pıkırlerı men ūsynystaryn bıldırdı. Sondai-aq, Sauda jäne integrasiia ministrı Arman Şaqqaliev, Ǧylym jäne joǧary bılım ministrı Saiasat Nūrbek, Densaulyq saqtau ministrı Aqmaral Älnazarova baiandama jasady.
Fraksiia jiynyn qorytyndylai kele Mäjılıs Spikerı uaqyt beldeuın özgertu – qoǧamda eŋ köp talqylanatyn taqyryptyŋ bırı ekenın atap öttı. Ol mūndai şeşımderdı aldyn-ala egjei-tegjeilı taldau jäne keŋınen talqylau arqyly qabyldau kerek ekenın jetkızdı. Būl qadam qoǧamǧa tiımdı tüsındıru jūmysyn jürgızuge mümkındık beredı. Osyǧan bailanysty, Ükımet bıryŋǧai uaqyt beldeuıne köşudıŋ äserı turaly köpfaktorly ǧylymi-zertteu jūmysyn jürgızu jönınde şeşım qabyldady. Atalǧan şeşım bırqatar sūraqtyŋ jauabyn beruge tiıs.
«Uaqyttyŋ özgeruı, eŋ aldymen, azamattarymyzdyŋ densaulyǧy men äl-auqatyna, tūrmysyna qalai äser etetınıne qatysty naqty jauap aluymyz kerek. Osy mäselege bas män beru qajet. Sonymen qatar, Ükımet aityp otyrǧan üş jyl – tym ūzaq merzım dep esepteimın. Zertteu jūmysyn üş aida aiaqtaǧandaryŋyz jön. Aldaǧy jyldyŋ nauryz aiynda zertteu qorytyndylarymen jäne naqty şeşu joldary bar ūsynystarmen kelesızder degen ümıttemız»,– dedı Erlan Qoşanov Ükımet müşelerıne qarata aitqany sözınde.
«AMANAT» partiiasynyŋ baspasöz qyzmetı
Surettı tüsırgen: Äli Ǧalym
