Qazaqstandyq boksshy Mahmud Sabyrhan 54 kelige deıingi salmaq dárejesinde bokstan Azııa chempıony atandy. Bul jeńisi Qazaqstan qorjynyna altynshy júldeni syılady, dep habarlaıdy "Adyrna" ulttyq portaly.
Mahmudtyń qarsylasy ózbekstandyq Shahzod Mýzapparov boldy. Alǵashqy eki raýndta qazaqstandyq boksshy 4:1 esebimen basym tústi. Qorytyndysynda tóreshiler sheshimi boıynsha jeńis Sabyrhanǵa berildi.
Aıta ketý kerek, Mahmud Sabyrhan ótken jyly álem chempıonatyn jeńip alyp, 2022 jyly Azııa chempıonatynyń kúmis júldegeri atanǵan bolatyn. Bul jeńisi oǵan Azııa chempıonatynyń alǵashqy altynyn alyp keldi.
2024 jylǵy qurlyq birinshiliginde Sabyrhan Taıvandyq Ian-Lın Laıdy birinshi raýndta nokaýtpen jeńse, 1/4 fınalda Shrı-Lankalyq Djaıanatha Kýmardy nokaýtqa túsirdi. Fınalǵa shyǵý jolynda taılandtyq Saravýt Sýkhetpen kezdesip, biraýyzdy sheshimmen jeńiske jetti.
Azııa chempıonaty 30 qarashada Taılandtyń Chıangmaı qalasynda bastalyp, búgin, 11 jeltoqsanda aıaqtalady. Erler arasyndaǵy fınaldyq kezdesýler ótýde. Qazaqstan quramasy fınaldyq kezdesýlerge on úsh múmkindiktiń toǵyzyna qatysyp otyr.
