Qazaqtyŋ ūlttyq kiımın kigen blogerge "Han Şatyrǧa" kıruge tyiym salynǧan

Astanadaǧy "Han Şatyr" sauda ortalyǧynyŋ küzet qyzmetı qazaqtyŋ ūlttyq kiımın kigen bloger Qyrmyzy Jandosqa ǧimaratqa qazaqşa kiımmen kıruge tyiym salǧan, dep habarlaidy "Adyrna" ūlttyq portaly Mädeniet portalyna sıltep. Būl oqiǧa Täuelsızdık künı qarsaŋynda oryn alǧan. Qyrmyzy Jandostyŋ aituynşa, ol ūlttyq kiımmen qalanyŋ körıktı jerlerınde beinerolik tüsırıp jürgen. Bäiterek, Aq Orda, meşıt syndy nysandardyŋ maŋynda eş kedergı bolmaǧanymen, "Han Şatyrǧa" jetkende küzetşıler onyŋ kiımıne bailanysty eskertu jasaǧan. "Han Şatyr aldyna Täuelsızdık künıne orai video tüsıruge barǧanmyn. Basqa oryndarda eşqandai mäsele tuyndamady. Bıraq "Han Şatyr" küzetşılerı "mäsele sızdıŋ kiımıŋızde" dep kırgızuden bas tartty. Būdan keiın arnaiy kırıp, sauda ortalyǧyn bır ainalyp şyqtym," – deidı bloger Qyrmyzy Jandos. Oqiǧa äleumettık jelıde keŋınen talqylanyp, halyq arasynda rezonans tudyrdy. "Han Şatyr" äkımşılıgı būl jaǧdaiǧa bailanysty blogerden keşırım sūrap, videonyŋ jelıden öşırıluın ötıngen. Sonymen qatar, Instagram jelısındegı atyşuly videoda "Han Şatyr" äkımşılıgı pıkır qaldyryp, tüsırılım ötkızu üşın aldyn ala kelısım qajet ekenın atap öttı: "Han Şatyr aumaǧynda kez kelgen tüsırılımderdı ötkızu üşın aldyn ala äkımşılıkpen kelısu qajet", - dep jazǧan ǧimarattyŋ baspasöz qyzmetı. Būl jaǧdai qoǧamda ūlttyq qūndylyqtarǧa degen qūrmet mäselesın taǧy da talqyǧa saldy.