Öskemende joǧalyp ketken qyzdyŋ mäiıtı tabyldy

12 qaraşadan berı ız-tüzsız joǧalyp ketken 19 jastaǧy qyzdyŋ denesı Ülbı özenınıŋ jaǧasynan tabyldy, dep habarlaidy "Adyrna" ūlttyq portaly. Şyǧys Qazaqstan oblysynyŋ Polisiia departamentınıŋ mälımetınşe qyzdyŋ denesı 13 jeltoqsan künı tabylǧan. "13 jeltoqsan künı Öskemen qalasyndaǧy Protozanov köşesınde ornalasqan Ülbı  özenı jaǧasynda polisiia qyzmetkerlerı būryn ız-tüzsız joǧalǧan 19 jastaǧy Anel Eriktıŋ denesın tapty. Denesınde közge körınetın jaraqat belgılerı joq. Oqiǧanyŋ män-jaiy anyqtaluda. Saraptama taǧaiyndaldy. Sotqa deiıngı tergeu jürgızılude", – dep habarlady ŞQO PD baspasöz qyzmetı. Qyz 12 qaraşada taŋǧy saǧat 08:00 şamasynda "Metallurg" saiabaǧy maŋyndaǧy üiınen belgısız baǧytqa şyǧyp ketken. Sodan berı ony eşkım körmegen, jaqyndarymen bailanysqa şyqpaǧan. Joǧalǧan kezde ol jasyl tolstovka, qara etık, şalbar jäne futbolka kigen bolatyn. Būl qaiǧyly oqiǧaǧa qatysty qosymşa aqparat tergeu nätijesınde anyqtalady.