15 jeltoqsan künı Talǧar qalasynda äkım sailauy öttı. Sailau qorytyndysy boiynşa Arystanbek Äbılqaiyrūly Talǧar qalasynyŋ äkımı bolyp sailandy, dep habarlaidy «Adyrna» tılşısı.
Äkımdıktıŋ mälımetınşe, dauys beruge 12 875 sailauşy qatysqan.
«Arystanbek Äbılqaiyrūly üşın sailauşylardyŋ 9071 dauysy berıldı. Al Jänıbek Kädenov 1 875, Älıbek Ramazanov 1 140 dauys jinady. 182 sailauşy barlyǧyna qarsy dauys berdı»,— delıngen habarlamada.
Arystanbek Äbılqaiyrūly 1983 jyly düniege kelgen. «Talǧar Tūrǧyn üi» JŞS direktory, Talǧar qalasynyŋ tūrǧyny. Ol Amanat partiiasynyŋ atynan ūsynylǧan bolatyn.
Eske salaiyq, qalanyŋ būrynǧy basşysy Baqyt Kürışbekov 16 jastaǧy Şerzat Polattyŋ ölımınen keiın qyzmetınen bosatylǧan edı.
Būǧan deiın qala boiynşa äkımdıkke 9 ümıtker tırkelgen bolatyn. Alaida olardyŋ ekeuı talapqa sai kelmese, qalǧan törteuı keiın öz kandidaturasyn alyp tastady.
