Ekıbastūzda el prezidentı Qasym-Jomart Toqaevtyŋ 2023 jyldyŋ tamyz aiynda kenşıler qalasyna kelgen kezınde bergen tapsyrmasy boiynşa salynǧan «Samǧau» balalar şyǧarmaşylyǧy ortalyǧynyŋ aşylu saltanaty öttı.
Joba Pavlodar oblysynyŋ ekı ırı önerkäsıptık kompaniiasynyŋ: ERG jäne KazMineralsBozshakol toptarynyŋ demeuşılık qarajaty esebınen jüzege asyryldy. Jobanyŋ jalpy qūny 5,3 mlrd. teŋge.
Jaŋa nysannyŋ jūmysy Ekıbastūz qalasynyŋ balalaryn qosymşa bılım berumen qamtudy 70%-ǧa nemese 16 myŋnan astam oquşyǧa deiın ūlǧaituǧa mümkındık beredı.
Jalpy audany 7200 şarşy metrdı qūraityn zamanaui ortalyqta 9 myŋnan astam bala, onyŋ ışınde erekşe qajettılıkterı bar balalar 12 baǧyt boiynşa qosymşa bılım aluǧa, uaqyttaryn qyzyqty ötkızuge, öz-özderın damytuǧa mümkındık aldy. Ortalyq erekşe qajettılıkterı bar balalarǧa tolyqtai beiımdelgen, lift jäne kötergış qūrylǧylarmen, tiflo- jäne surdoqūrylǧylarmen jabdyqtalǧan.
- Men bügın memleket basşysy Qasym-Jomart Toqaevtyŋ tıkelei tapsyrmasymen salynǧan jaŋa innovasiialyq «Samǧau» balalar şyǧarmaşylyǧy ortalyǧynyŋ aşylu saltanatyna qatysqanyma öte quanyştymyn. «Samǧau» kenşıler qalasynyŋ balalary men jastaryn tartatyn ortalyq bolatynyna senımdımın. Būl sızder üşın jaŋa dostar tabuǧa, üirenuge jäne damuǧa, sondai-aq, uaqyt ötkızuge bolatyn ekınşı üilerıŋız bolsyn, - dedı aimaq basşysy.
Sondai-aq, Asaiyn Baihanov balalar men jastardyŋ üilesımdı damuy üşın asa qajettı jobany ıske asyruǧa jäne nysannyŋ qūrylysyna qatysqandardyŋ barlyǧyna alǧysyn bıldırdı.
Ǧimarattyŋ bırınşı qabatynda bi zaly, teatrdyŋ jattyǧu zaly, jeke vokal men muzyka sabaqtaryna arnalǧan bölmeler jäne 275 oryndyq ülken auditoriia ornalasqan. Balalar ortalyq jūmysynyŋ şyǧarmaşylyq baǧyttarynan horeografiia (halyqtyq, zamanaui jäne klassikalyq biler), teatr önerı, vokal jäne hor änı nemese aspaptyq şeberlık (dombyra, qobyz, gitara, mandolina, dauylpaz, asataiaq, şertpe) boiynşa sabaqtardy taŋdai alady.
Ekınşı qabatta jasyl tehnologiialar ortalyǧynyŋ ǧylymi-biologiialyq zerthanasy (gidro jäne ekoponika) jäne landşafttyq säulet pen floristikalyq dizain studiialary, sondai-aq, pıkırtalas ortalyǧy, media ortalyq (dybys jazu studiiasy, telestudiia, fotografiia akademiiasy, jas bloger studiiasy, kovorking ortalyǧy) jäne sän studiiasy (makiiaj jäne kostium suretşısı, interer dizainy) ornalasqan.
Üşınşı qabat tolyǧymen robototehnika jäne kompiuterlık modeldeu, ǧaryştyq radiobailanys jäne radiotehnika klubtaryn, STEM jäne LEGO zerthanalaryn, ŪŪA klubyn (ūşqyşsyz ūşu apparaty) qosa alǧanda IT-tehnologiialarǧa, sondai-aq, balalar pışım men tıgındı, modeldeudı, keramikany, beineleu önerımen aspazdyq önerdı üirenuge mümkındık beretın körkemdık-qoldanbaly blokqa berıldı.
Sonymen qatar, ortalyqta ata-analar men balalarǧa arnalǧan psihologiialyq-pedagogikalyq qoldau kabinetı, üstel tennisıne arnalǧan aimaqtar, emdık dene şynyqtyru jäne jattyǧu zaly jūmys ısteitın bolady.
Balalar da, ata-analar da ortalyqtyŋ aşyluyna jäne ärtürlı tegın sabaqtardyŋ bolǧanyna quanyşty.
- Balalarymyzdyŋ jaŋa närsenı üirenıp, bılım alulary üşın qalamyzda osyndai ortalyqtyŋ aşyluyn asyǧa küttık. Bızdıŋ ötınışımızdı tyŋdap, qala üşın, balalar üşın jäne olardyŋ bolaşaǧy üşın osyndai ortalyq saluǧa tapsyrma bergenı üşın Prezidentımızge öte rizamyz. Atsalysqan barşa janǧa alǧys bıldıremın. Şyǧarmaşylyq üiırmege jazyludy josparlaǧanbyz, bıraq, mūnda köptegen qyzyqty üiırmeler bar eken, endı basqa da baǧyttardy körudı oilap otyrmyz, – dep Ekıbastūz qalasynyŋ tūrǧyny Aiana Smaǧūlova özınıŋ quanyşymen bölıstı.
Nysannyŋ qūrylysy 2023 jyldyŋ qazan aiynda bastalyp, 2024 jyly aiaqtaldy. Ortalyqta jūmys ısteuge 50-den astam qosymşa bılım beru pedagogtary tartyldy.
Bügıngı taŋda öŋırde öskeleŋ ūrpaqtyŋ üilesımdı damuy üşın barlyq jaǧdai jasaluda. Būǧan deiın 800 balaǧa arnalǧan şyǧarmaşylyq ortalyq Ertıs audanynda aşylǧan bolatyn. Qyrküiek aiynda Pavlodar qalasynda «Altyn saqa» balalar şyǧarmaşylyǧy jäne demalys ortalyǧy aşyldy.
