Oral qalasynyŋ äkımdıgı köktemde su tasqyny boluy mümkın ekenın mälımdedı, dep habarlaidy "Adyrna" ūlttyq portaly.
Äkımnıŋ orynbasary Jandos Düisenǧalievtıŋ mälım etkenındei, osy kezge deiın 43 saiajai bırlestıgınde qysqy mezgılde tūryp jatqan 350 otbasyǧa köktemde su basuy mümkın ekendıgı jönınde habarlama berılgenın habarlady. Bügınde 40-tan astam saiajai bırlestıgı tekserılıp, būlarda 900 otbasynyŋ tūryp jatqany anyqtaldy.
«Barlyq saiajai bırlestıkterı boiynşa tolyq elektrondy-aqparattyq baza jasaqtalatyn bolady. Būl saiajailardaǧy adamdardyŋ, tūrǧynjailardyŋ, üi januarlarynyŋ jäne nysandardyŋ naqty sanyn anyqtauǧa mümkındık beredı. Saiajaida tūryp jatqan otbasylardyŋ barlyǧyna eskertu habarlamalary berıletın bolady», deidı J.Düisenǧaliev.Onyŋ sözınşe, biylǧy su tasqynynan köptegen saiajailardyŋ zardap şekken. Osy uaqytqa deiın keltırılgen zalaldy öteu jönınde tūrǧyndardan 11 myŋǧa juyq ötınış tüsken.
«Künı bügınge deiın qalalyq komissiia jalǧyz üiı apatty dep tanylǧan 2 589 azamattyŋ ötınışın qanaǧattandyryp, būl otbasylarǧa bırınşı jäne ekınşı naryqtan baspana berıldı. Sonymen qatar 487 otbasyǧa üiın jöndeu üşın 1,7 mlrd teŋge qarajat bölındı. 10 942 otbasyǧa 4 mlrd teŋge kölemınde bır jolǧy äleumettık kömek (100 AEK) körsetıldı. 9 032 otbasyǧa 4,1 mlrd teŋgenıŋ mülıktık şyǧyndary (150 AEK-ke deiın) öteldı. Būl jūmystar älı de jalǧasuda», deidı qala äkımınıŋ orynbasary.
Ūqsas jaŋalyqtar
