AQŞ pen İzrail aviasiiasy Iemennıŋ soltüstıgındegı bileuşı «Ansar Alla» (husitter) şiıt qozǧalysynyŋ Sana qalasyndaǧy äskeri nysandaryna soqqy jasady, dep habarlaidy "Adyrna" ūlttyq portaly RİA Novosti agenttıgıne sılteme jasap.
Jergılıktı bilık ökılınıŋ mälımetınşe ekı soqqy qozǧalystyŋ zymyran brigadalary ştaby ornalasqan Attan tauyna baǧyttalsa, taǧy bır soqqy Sananyŋ şyǧys jaǧynan körınetın Nukum tauyndaǧy El-Hafa äskeri lagerıne jasalǧan.
Pentagonnyŋ Ortalyq qolbasşylyǧy (CENTCOM) äue soqqylarynyŋ maqsaty husitterdıŋ zymyran qoimasy men operasiialyq ortalyǧyn joiu bolǧanyn habarlady.
CENTCOM mälımdemesınde operasiia husitterdıŋ AQŞ ÄTK äskeri jäne sauda kemelerıne Qyzyl teŋız, Bab-el-Mandeb būǧazy jäne Aden şyǧanaǧynda şabuyl jasau äreketterın älsıretu üşın jüzege asyrylǧany aitylǧan. Sonymen qatar, Qyzyl teŋız üstınde husitterdıŋ bırneşe ūşqyşsyz ūşaqtary joiylyp, kemearalyq zymyranǧa soqqy berıldı.
Būl soqqylar husitterdıŋ Tel-Avivke tüngı zymyran şabuylyn jasaǧanyn moiyndaǧannan keiın jasaldy. Şabuyldan 14 adam jeŋıl jaraqat alǧan.
İzrail men Iemen arasyndaǧy soqqylar İzraildıŋ Gaza sektoryndaǧy operasiiasyn bastaǧannan keiın üdei tüstı. Husitter HAMAS tobyn qoldaitynyn mälımdedı.
Husitter bırneşe ret AQŞ jäne Ūlybritaniiamen bailanysy bar kemelerge şabuyl jasady dep aiyptaldy. Soŋǧy aptalarda ekı amerikandyq esmines şabuylǧa ūşyraǧany rastaldy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz