Üleskerlerdı zar qaqsatyp, päterge salǧan aqşasyn oŋdy soldy şaşqan qūrylys kompaniialarynyŋ kryşasy kım? Ne alǧan üiı joq, ne salǧan aqşasy joq zarlap qalǧan halyqtyŋ obaly kımge? Qalai ǧana jūrttyŋ baspanaǧa dep salǧan aqşasyn jeke bas paidasyna jaratady? Milliardtardy qylǧytqan, biyl 66 jasqa kelgen İgor Jakov ne sebeptı 6 jylǧa ǧana sottaldy?
"Aq qaşyp, qyzyl quyp" degendei alaǧai da būlaǧai 1993 jyly İgor Aleksandrūly «FONT» JŞS qūryp bastady. Keiınnen būl JŞS-nyŋ qūryltaişylary «Building Group» JŞS jäne İgor Jakov boldy. Naqtyraq aitsaq 1997 jyldan berı osy kompaniiany basqaryp keledı.
09.06.2005 «Building Service» JŞS bolyp qūrylyp, tırkeledı. Qūryltaişysy Jakov pen «FONT» JŞS. Qalai qalai qūbylady,ä? Üş kompaniia da bır-bırımen tyǧyz bailanysty, üşeuı de Jakovqa qaraidy.
Eŋ qyzyǧy, «Building Service» JŞS menedjerlerı bolyp:
2005-2008 jyldary - Nūrǧaziev Mūrat Arşanūly, 2008-2011 jyldary - Daurenbekov Valerii Ahatovich, 2011-2013 jyldary - Jakov İgor Aleksandrovich, 2013 jyldan qazırgı uaqytqa deiın qaitadan - Nūrǧaziev Mūrat Arşanūly.
Osy kompaniiany qūryp alǧan Jakov ne ısteidı? Dūrys aitasyz, halyqty laqtyrudy bastaidy. Adamdar tobymen aldyn-ala söz bailasu arqyly qylmystyq jospar qūryp, özıne senıp tapsyrylǧan aqşany iemdenedı. Şot-fakturalardy, audarymdardy qabyldau aktılerın beru arqyly serıktestıktıŋ buhgalterlerıne nūsqaular berıp, kassalyq esep aiyrysu operasiialaryna tüzetuler engızıp, esepke alu qūjattarynyŋ telnūsqasyn berıp, «Tau-Köktem» tūrǧyn üi keşenın saluǧa arnalǧan qarajatty qolma-qol aqşaǧa ainaldyrady da özıne alyp alady.
«Tau-Köktem» tūrǧyn üi keşenınen üi alamyz dep, dämelerı dambaldai bolǧan üleskerler «Building Service» JŞS-nıŋ kassasyna aqşa salǧan. Ol aqşany Jakovtyŋ qaltasyna öz qoldarymen salǧandaryn sezbeidı de.
Al, Jakov qaitedı? Ol Aston Martin, Maserati, Porsche Cayenne, Mercedes Benz, Lexus sekıldı qymbat jaŋa kölıkter, Ulysse Nardindegı Şyŋǧyshan sekıldı qymbat saǧattar men Vertu siiaqty qymbat telefondar alady.
2004 jylǧy 8 mausymda «Building Group» JŞS men «Grand Hotel Tien-Shan» JŞS arasynda «Grand Hotel Tien-Shan» qonaq üi keşenın qaita qūru jūmystaryn jürgızuge kelısım-şart tüzıledı.
2006 jyly Jakov Särsenovtermen joǧarydaǧy qonaqüidı qalpyna keltıru üşın jeke qarym-qatynasy negızınde olarǧa jalpy somasy 230 million teŋgeden asatyn (sol kezde şamamen 2 million dollar) 3 päter tırkeidı.
«BTA-İnveststroigrupp» JŞS-nyŋ sol kezdegı basşysy Timur Qonaqbaev «Building group» JŞS-men «Tau-Köktem» tūrǧyn üi keşenıne beton qūiu, takelajdyq jūmystar, tırekterdı ornatu jäne qasbettık qabyrǧalardy armaturamen qaptau kırpışterın qalau jönınde kelısımge qol qoiady.
Däl osy uaqytta däl osy «BTA-investstroigrupp» JŞS tapsyrys beruşı retınde «Building Group» JŞS-men Alma-Arasan şatqalynda Kök-Şoqty auylynda qonaq üi saluǧa kelısım-şart jasasqan.
«BTA-İnvestroigrupp» JŞS 602 million teŋgege nesie alyp, ol aqşa Qonaqbaev pen Jakovtyŋ esep-şotyna audarylady.
Jakov Qonaqbaevqa atqarǧan jūmystary üşın 2005 jyly 15 million teŋge tūratyn (bastapqy qūny 500 000 dollardan astam) Porsche Cayenne Turbo, GT750 AERO III Gembala kölıgın syilaidy.
«BTA-investstroigrupp» JŞS-nıŋ «Nūrbank» AQ aldynda 4 982 752 230 teŋge kreditorlyq bereşegı bar, ol 4-şı kezekke 916 613 149 teŋge jäne kreditorlar talaptary tızılımınıŋ 5-şı kezektegı 413 069 teŋge somasyna engızılgen.
Osy ıs materialdaryna säikes, sol kezde Egovtyŋ anyqtamasyna säikes, İgor Aleksandrovich Jakov «BTA-investstroigrupp» JŞS basşysy, qūryltaişysy Timur Asylbekūly Qonaqbaev ekenı anyqtaldy.
Osylaişa, zaŋdy küşıne engen sot şeşımderımen «BTA-İnveststroigrupp» JŞS-nıŋ «Nūrbank» AQ aldynda 21 mlrd teŋge qaryzy bar ekenı anyqtalyp, 4 983 352 267 teŋge öndırıldı.
Söitıp jalǧandy jalpaǧynan basyp, milliondardy tiyn, milliardtardy teŋge körmegen Jakov İgor Aleksandrūly ūstalady.
2020 jyldyŋ 08 mausymynda Almaty qalasy Medeu audandyq №2 soty «Building Service» JŞS būrynǧy qūrylys saluşysynyŋ qūryltaişysy Jakov İgorǧa qatysty ükım şyǧaryp, ol üleskerlerdıŋ aqşasyn iemdenu jäne jymqyru faktılerı boiynşa kınälı dep tanylyp, 2020 jyldyŋ 1 qazanynda 6 jylǧa sottaldy. Araǧa 2-3 jyl salyp qaitadan erkındıkke şyǧyp aldy. Bravo!
QR IIM! QR Bas prokuraturasy!
Mynau ne masqara? Halyqtyŋ bala-şaǧanyŋ auzynan jyryp jinaǧan milliardtaryn jegen Jakov nebärı 6 jylǧa sottalady da, 2-3 jylda şyǧyp alady! Memlekettıŋ özı alaiaqtyqty zaŋdastyryp otyrǧan joq pa? Nege Jakovtyŋ jegenın qūstyrmaidy? Qarapaiym jūrttyŋ aiyppūlyn soŋǧy tiynyna deiın töletesıŋder ǧoi. Būnyŋ da dambalyna deiın sypyryp alyŋdar!
Änşeiınde tauyq ūrlaǧan kedeidı 6 jylǧa sottap, ony merzımı bıtpei türmeden şyǧarmaisyŋdar! Milliardtardy qylǧytqan Jakov nege qūspaǧan? Nege 6 jylǧa ǧana sottalyp, merzımınıŋ jartysyna jetpei şyǧyp alǧan? Älde, oǧan tiısuge Jakovtyŋ kökelerınen qorqasyŋdar ma?
Oŋǧar Qabden
P.S. Avtordyŋ pıkırı redaksiianyŋ közqarasyn bıldırmeidı
