24 jeltoqsan künı keşke Almatyda Grand Park sauda-oiyn-sauyq ortalyǧynyŋ janynda atys boldy, dep habarlaidy "Adyrna" ūlttyq portaly. Būl turaly kuägerler äleumettık jelılerde jazdy.
"Grand Parktyŋ" janynda atys boldy. Jaraqat alǧandar bar. Polisiia men jedel järdem qyzmetkerlerı keldı", – dep jazdy oqiǧa kuägerlerınıŋ bırı.
Almaty qalasy Polisiia departamentınıŋ baspasöz qyzmetınıŋ mälımetınşe, 102 pultıne Qabdolov köşesınde oq atylǧany turaly habarlama tüsken.
"Patruldık polisiia qyzmetkerlerı 18 jastaǧy er
adamdy dereu ūstady. Odan signaldy tapanşa tabylyp, tärkılendı. Auezov audandyq polisiia basqarmasy būl oqiǧa boiynşa būzaqylyq faktısımen qylmystyq ıs qozǧady", – dep habarlady vedomstvo.
Eske sala keteiık, 20 jeltoqsan künı de Almatyda Nauryzbai audanyndaǧy tūrǧyn üi keşenınde atys oryn alǧan edı. Belgısız er adam päterge basa-köktep kırıp, ekı adamǧa oq atqan. Polisiia qyzmetkerlerı küdıktını ızdep jatqanyn mälımdegen bolatyn.
Ūqsas jaŋalyqtar