Jambyl oblysynda polisiia qyzmetkerlerı sybailas jemqorlyq shemasyna qatysy bar degen küdıkke ılındı, dep habarlaidy "Adyrna" ūlttyq portaly Tengrinews.kz-ke sıltep.
Būl turaly Sybailas jemqorlyqqa qarsy qyzmettıŋ resmi ökılı Daniiar Begaidarov mälımdedı.
"Sybailas jemqorlyqqa qarsy qyzmet Jambyl oblysynyŋ şekaralas audandarynyŋ bırınıŋ polisiia qyzmetkerlerınıŋ qylmystyq äreketın toqtatty. Olar Qazaqstan Respublikasynan janar-jaǧarmai materialdaryn zaŋsyz şyǧaryp, şetel azamattarynan zaŋsyz materialdyq syiaqylar alǧan dep küdıkke ılındı", – dedı Begaidarov Antikorda ötken brifingte.
Habarlanǧandai, olardyŋ zaŋsyz äreketterınıŋ nätijesınde körşı memleket azamattary mūnai önımderınıŋ kontrabandasyn ūiymdastyrǧan.
"Tergeu äreketterı kezınde küdıktılerdıŋ bırı sybailas jemqorlyqqa qarsy qyzmet ökılderıne qarsylyq körsetıp, qyzmettık qarudy qoldanǧan. Sot sanksiiasymen qamauǧa alyndy. Tergeu jalǧasuda", – dep qosty Antikor ökılı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz