Äzerbaijan prezidentı İlham Äliev TMD elderı basşylarynyŋ beiresmi sammitıne qatysu üşın Sankt-Peterburgke attanǧan kezde, äue apaty bolǧany turaly habar berılıp, memleket basşysy kerı qaitty, dep habarlaidy "Adyrna" ūlttyq portaly.
Geidar Äliev atyndaǧy halyqaralyq äuejaiǧa ūşyp kelgennen keiın, İlham Äliev osy oqiǧaǧa bailanysty keŋes ötkızdı.
Keŋes barysynda Äzerbaijan prezidentı apattan qaza bolǧandarǧa köŋıl aityp, būl tragediianyŋ Äzerbaijan halqyn ülken qasıretke duşar etkenın atap öttı.
"Bügın taŋerteŋ men Bakudan Sankt-Peterburgke TMD sammitıne qatysu üşın ūşqanymda, maǧan osy apat turaly habar berıldı. Men dereu tapsyrma berıp, ūşaq Bakuǧa qaityp oraldy. Älı ūşaqta bolǧanymda, men tiıstı nūsqaular berıp, premer-ministrmen söilestım, onyŋ basşylyǧymen komissiia qūryldy. Sonymen qatar, apat bolǧan Aktau qalasyna Äzerbaijan delegasiiasy jıberıldı. Tiıstı tapsyrma berıldı" - dedı ol.
Onyŋ aituynşa, apattyŋ naqty sebebın aituǧa älı erte.
"Komissiianyŋ mındetı – apattyŋ sebebı men barlyq mälımetterın tolyq zerttep, menı jäne Äzerbaijan jūrtşylyǧyn aqparattandyru. Apat sätterı būqaralyq aqparat qūraldarynda jäne äleumettık jelılerde jariialandy. Ärkım būl sätterdı köre alady. Bıraq apattyŋ naqty sebepterı bızge belgısız. Är türlı boljamdar bar. Menıŋ oiymşa, älı osy mäsele turaly aitu erte. Būl mäsele tolyq tergeluı kerek. Bas prokuratura qylmystyq ıs qozǧady, jäne Äzerbaijan jūrtşylyǧy komissiia jūmysynyŋ nätijelerı men qylmystyq ıstıŋ barysy turaly ünemı habardar bolyp otyrady" - dedı ol.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz