Ūşaq apatyna Reseidıŋ äue qorǧanys jüiesı sebep boluy mümkın degen boljam aityldy

1321
Adyrna.kz Telegram
https://adyrna.kz/content/uploads/2024/12/whatsapp-image-2024-12-25-at-20.28.15-960x500.jpeg?token=19c31a07059a8adfc5176e1bc6a40e20
Aqtau maŋynda Bakuden Groznyiǧa ūşyp bara jatqan "Azerbaijan Airlines" kompaniiasyna tiesılı Embraer ūşaǧy apatqa ūşyrap, 38 adam qaza tapty. Būl oqiǧaǧa qatysty Reseidıŋ äue qorǧanys jüiesınıŋ yqtimal rölı turaly boljamdar aityluda, dep habarlaidy "Adyrna" ūlttyq portaly. Reseilık telegram arnalarynda taraǧan mälımetterge säikes, ūşaqtaǧy şūryq-tesık tesıkter äue şabuylyna qarsy qorǧanys jüiesınıŋ jūmysynan paida boluy mümkın. Atalǧan jüie Şeşenstan men Vladikavkazǧa ūşqyşsyz ūşaqtarmen jasalǧan şabuyldan keiın ıske qosylǧan. Äskeri sarapşy Iаn Matveevtıŋ aituynşa, ūşaq apatqa ūşyraǧan kezde 9 km biıktıkte ūşqan, al mūndai qaşyqtyqta “Pansir-S1” jüiesı äreket ete alady. Apattan aman qalǧan jolauşy Rahimov RT arnasyna bergen sūhbatynda, ūşqyştardyŋ Groznyiǧa üş ret qondyrmaq bolǧanyn, üşınşı talpynys kezınde ūşaq syrtynan jarylystyŋ dausy estılgenın aitty. Qazır apattyŋ sebepterı "jol qozǧalysy nemese äue kölıgın paidalanu qauıpsızdıgı erejelerın būzu" babymen tekserılude. Ūşaqtyŋ qara jäşıgı tabylyp, tergeuge qosymşa aiǧaq retınde alyndy. Kölık ministrı Marat Qarabaevtyŋ mälımdeuınşe, ūşaqpen bailanys saǧat 11:28-de üzılgen. Al saǧat 11:30-da ūşaq apatqa ūşyraǧan. Apatqa qatysty Aqtauda ötken brifingte komissiia jetekşısı Qanat Bozymbaev naqty qorytyndynyŋ tek mamandar zertteuınen keiın jariialanatynyn aitty.
"Qazır būl oqiǧanyŋ sebebın anyqtau qiyn. Mamandar tergeu jürgızıp jatyr, sondyqtan boljamdar aituǧa erte. Barlyǧy anyqtalǧannan keiın habarlaimyz," – dedı vise-premer.
Tüpqaraǧan audanynda tötenşe jaǧdai jariialandy. Apatqa qatysty tergeu jalǧasyp jatyr.
Pıkırler