Saiasattanuşy Ǧ.Äbdırahymovtyŋ Şymkent äkımı qyzmetınen şettetıluın saiasi elita ışındegı özara qaqtyǧystarmen bailanystyrady
Şymkent qalasynyŋ ekı dürkın eks-äkımı Ǧabidolla Äbdırahymov qyzmetınen ketken bette, Prezident äkımşılıgınıŋ basşysy Qyrymbek Köşerbaev ol «senımdı aqtamady» dep suyt mälımdeme jasady. Būl söz qoǧam üşın «eks-äkım endı qaityp memlekettık qyzmettıŋ tabaldyryǧyn attamaidy» degendei estılgen edı. Bıraq, basy dauǧa qalǧan şeneunık bır aidyŋ ışınde qaita qatarǧa qosyldy. Osy oraida «Azattyq Ruhy» tılşısı saiasattanuşy Dosym Sätpaevtyŋ pıkırın bıldı.
«Köşerbaevtan kettı, Maminge jettı»
Saiasattanuşy Ǧ.Äbdırahymovtyŋ Şymkent äkımı qyzmetınen şettetıluın saiasi elita ışındegı özara qaqtyǧystarmen bailanystyrady. Al Köşerbaevtyŋ «senımnen şyqty» degenı tek şartty türde aitylǧan söz dep bıledı.
«Senım kreditı» degen şyndyǧynda eşqandai mänı joq, şeneunıkter tılındegı nomenklaturalyq ūǧym ǧana. Sebebı qazaqstandyq biurokratizm mysalynda bilıktıŋ ümıtın aqtamai, ornynan alynyp tastalyp, uaqyt öte qaita lauazymdy qyzmetke sailanǧandardy talai kördık. Köpşılık közıne saiasi elitanyŋ bır bölıgı Ǧ. Äbdırahymovqa degen senımdı joǧaltsa, ekınşı jaǧy jaŋa «senım depozitın» bergendei bolyp körındı. Äleumetttık jelıdegı osyndai tūrpattaǧy äzılderde de bır şyndyq bar. Sondyqtan, onyŋ äkım qyzmetınen otstavkaǧa ketuı, aldymen, saiasi elita ışındegı özara qaqtyǧystardyŋ nätijesı dep oilaimyn. Al Ükımet basşysyna keŋesşı bolyp, memlekettık qyzmetke qaita oraluy – sol qaqtyǧystardyŋ jalǧasy ıspettı. Körıp otyrǧanymyzdai, jüieden tolyq alastatylǧan joq»,- dedı saiasattanuşy.«Bilıktıŋ emes, halyqtyŋ senımı maŋyzdy» Sarapşy üşınşı megapolistıŋ eks-äkımı «jarnamaǧa qūmarlyǧyna» qaramastan, bırtalai şarua atqaryp, tūrǧyndardyŋ oŋ baǧasyn alyp ülgergenın joqqa şyǧarmaidy. Sol sebeptı äkımdı bilık basyndaǧylar emes, halyqtyŋ özı sailaityn jüiege köşu kerektıgın aitady.
«Bızde bilık elitasy äkımdı özı sailaidy, özı otstavkaǧa jıberedı, özı qaita basqa qyzmet ūsynady. Halyq tek baqylauşy retınde qyzyqtap otyrady. Halyq taŋdau qūqyǧynan müldem şettetılgen. Äkımderdı halyq sailaityn zaŋ bolǧanda Şymkent halqy, mümkın, Ǧ.Äbdırahymovty jıbermei alyp qalar ma edı?! Sebebı ol pälendei naşar kadr bolǧan joq. Özın jarnamalauǧa köp qūmartsa da, qala üşın bıraz närse ısteuge tyrysyp baqty. Basqalar Oŋtüstıktı būrynǧydai stereotipterge süienıp depressivtı emes, qarqyndy damu üstındegı öŋır retınde qabyldai bastady. Sondyqtan da «senım kreditı» degen ūǧymnyŋ anyqtamasyn tübegeilı özgertuımız kerek. Bilıktıŋ emes, halyqtyŋ senımı eskerıluı tiıs», - degen oiyn jetkızdı ol.London men «Olga VIP-tıŋ» kınäsı joq Ǧ.Äbdırahymov otstavkaǧa ketkende, köpşılık oǧan London qalasynan sälem joldap, eldıŋ synyna ūşyraǧan videosynyŋ kesırı tidı dep oilaǧan. Jyǧylǧanǧa jūdyryq bolǧandai, sol uaqytta ǧalamtorda Äbdırahymovqa būrynnan telıp jürgen İnstagramdaǧy bikeştıŋ suretterı de tarap kettı. D.Sätpaev būl jaǧdailardyŋ bärı eks-äkımdı jūmystan şyǧaruǧa tek syltau boldy deidı.
«Eŋ qyzyǧy, Ǧ.Äbdırahymov qyzmetınen Şymkent respublikalyq därejedegı qala statusyn alǧannan keiın bosatyldy. Iаǧni, sol kezden bastap elita üşın Şymkenttıŋ rölı Almaty siiaqty bırden artyp şyǧa keldı. Ärine, sondyqtan qala äkımınıŋ «kreslosyna» talas ta küşeie beredı. Mūny da Äbdırahymovtyŋ qyzmetten ketuı sebepterınıŋ bır nūsqasy retınde qarastyru kerek şyǧar», - deidı sarapşy.«Keŋesşılık – jaŋa lauazymǧa jeteleitın köpır» Sätpaevqa sensek, Äbdırahymov Premer-ministrdıŋ keŋesşı bolyp ūzaq otyrmaidy. Eger Prezident äkımşılıgındegıler qaita aşuǧa mınse, ol köpşılık äzıldegendei «süiıktı» Londonyna ketedı, bolmasa basqa bır jyly orynǧa jaiǧasady. Al keŋesşılık degen - jaǧdaiy «qyl üstındegı» şeneunıkter üşın tranzit ıspettes.
«Ärine, Premer-ministrdıŋ keŋesşısı bolu - būrynǧy megapolis äkımı üşın qyzmette tömendeu. «Kömekşı», «keŋesşı» degen ataular qūlaqqa ädemı estılgenımen, olardyŋ qolynda eşqandai bilık joq. Bızdegı praktika körsetkendei, būl oryndarǧa ädette bolaşaqta jaŋa bır lauazymdy orynǧa taǧaiyndalatyn kadrlardy qoiady. Ūqsas jaǧdailar būryn da bolǧan», - dep tüsındıredı saiasattanuşy.Osyǧan ūqsas jaǧdai retınde «Patamuşta, patamuşta» sözımen este qalǧan būrynǧy Eŋbek jäne äleumettık damu ministrı Serık Äbdenovtı mysalǧa keltırdı. Basyna jūmyrtqa tiıp, dau-damaimen otstavkaǧa ketken Äbdenov te köp ūzamai keŋesşı bolyp qyzmetke tūrǧan. Bıraq Premer-ministrdıŋ emes, sol kezdegı «QazMūnaiGaz» basşysy Sauat Myŋbaevtyŋ janynan tabylyp edı. Qazır «Qazaqstan Temır Joly» ŪQ» AQ basqarma töraǧasynyŋ orynbasary.
Sūhbattasqan - Abai SEIFULLA
«Azattyq Ruhy»
